Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
07.03.2015

МАРКАЗИЙ САЙЛОВ КОМИССИЯСИДА

Ўзбекистон Республикаси Марказий сайлов комиссиясида Европада хавфсизлик ва ҳамкорлик ташкилоти (ЕХҲТ) Демократик институтлар ва инсон ҳуқуқлари бўйича бюросининг элчи Каетана де Зулуета раҳбарлигидаги кузатувчилари миссияси вакиллари билан учрашув бўлиб ўтди.

Марказий сайлов комиссияси раиси М.Абдусаломов комиссия­нинг ЕХҲТ Демократик институтлар ва инсон ҳуқуқлари бўйича бюроси билан ҳамкорлиги самарали ривожланаётгани ва бу ижобий натижалар бераётганини таъкидлади.

ЕХҲТ Демократик институтлар ва инсон ҳуқуқлари бўйича бюроси кузатувчилари миссиясининг ЕХҲТ расмий веб-сайтида 24 февраль куни эълон қилинган якуний ҳисоботида Ўзбекистонда 2014 йилда бўлиб ўтган парламент сайлови юқори савияда ташкил этилгани, Марказий сайлов комиссияси ошкораликни таъминлаш ва жамоатчиликни сайлов ҳақида батафсил хабардор қилиш бўйича самарали ишларни амалга оширгани қайд этилган. Шунингдек, ҳисоботда Ўзбекистон сайлов қонунчилигига киритилган ўзгартишларда ЕХҲТ Демократик институтлар ва инсон ҳуқуқлари бўйича бюросининг айрим тавсиялари инобатга олингани, сайловолди ташвиқоти ва овоз бериш тартиб-таомилларига тааллуқли янада аниқ қоидалар жорий қилингани таъкидланган.

ЕХҲТ Демократик институтлар ва инсон ҳуқуқлари бўйича бюроси кузатувчилари миссияси аъзолари Марказий сайлов комиссиясининг 29 март куни бўлиб ўтадиган Ўзбекистон Республикаси Президенти сайловига тайёргарлик кўриш ва уни ўтказиш бўйича асосий тадбирлар дастури доирасида амалга оширилаётган ишлари билан таништирилди.

Миссия раҳбари, элчи Каетана де Зулуета айни пайтда ЕХҲТ Демократик институтлар ва инсон ҳуқуқлари бўйича бюроси кузатувчилари Қорақалпоғистон Республикаси, Самарқанд, Фарғона ва Бухоро вилоятлари ҳамда Тошкент шаҳрида фаолият кўрсатаётгани ҳақида маълум қилди. Миссия аъзолари сиёсий партия­лар вакиллари, Ўзбекистон Республикаси Президентлигига номзодлар, Ўзбекистон Республикаси Президенти сайловини ўтказувчи округ ва участка сайлов комиссиялари аъзолари, шунингдек, вазирлик ва идоралар раҳбарлари билан учрашувлар ўтказмоқда.

Учрашув давомида томонлар ЕХҲТ Демократик институтлар ва инсон ҳуқуқлари бўйича бюроси кузатувчилари миссияси фаолияти сайлов жараёнининг очиқлик ва ошкоралигини таъминлаш, уни халқаро стандарт ҳамда нормаларга мувофиқ ташкил этишга кўмаклашишига ишонч билдирди.

 

Сардор ТОЖИЕВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: