03.03.2015

ОШКОРАЛИК — БОШ МЕЗОН

Термизда Ўзбекистон Республикаси Марказий сайлов комиссияси томонидан Ўзбекистон Республикаси Президенти сайловини ўтказувчи участка сайлов комиссиялари аъзоларининг ҳуқуқий билимини янада ошириш ва участка сайлов комиссиялари ишини самарали ташкил этиш масалаларига бағишланган семинар-тренинг ташкил этилди.

Унда Ўзбекистон Республикаси Президенти сайловини ўтказувчи 9-Сурхондарё округ сайлов комиссияси аъзолари, давлат ва жамоат ташкилотлари раҳбарлари, ҳуқуқ-тартибот идоралари вакиллари, Термиз шаҳридаги участка сайлов комиссияси аъзолари, оммавий ахборот воситалари ходимлари иштирок этди.

Ўзбекистон Республикаси Президенти сайловини ўтказувчи 9-Сурхондарё округ сайлов комиссияси раиси А.Аҳмедов, Ўзбе­кистон  Республикаси Марказий сайлов комиссияси аъзоси ­О.Абдуназаров ва бошқалар мамлакатимизда сайловларни халқаро мезонларга тўла мос ўтказиш учун барча ҳуқуқий асослар яратилганини алоҳида таъкидлади.

Вилоятда Ўзбекистон Республикаси Президенти сайловини миллий қонунчилигимиз доирасида очиқ ва ошкора ўтказиш учун қизғин ҳозирлик кўрилаётир. Воҳада 708 сайлов участкаси ташкил этилиб, фуқароларнинг Конс­титуциямизда белгилаб қўйилган ҳуқуқларидан фойдаланиши учун барча шароит яратилмоқда. Сайловни юқори савияда ташкил этишнинг муҳим бўғини бўлган участка сайлов комиссиялари аъзолигига эл орасида обрў-эътиборга эга, сайлов қонунчилигидан хабардор кишилар жалб этилган.

Термиз шаҳрида Ўзбекистон Республикаси Президенти сайловини ўтказувчи 44 участка сайлов комиссияси фаолият юритмоқда. Айни пайтда сайлов участкаларини жиҳозлаш, сайловчилар рўйхатини шакллантириш ишлари ниҳоясига етказилаётир.

— «Ўзбекистон Республикаси Президенти сайлови тўғрисида»ги қонуннинг 18-моддасида участ­ка сайлов комиссиясининг ваколатлари алоҳида белгилаб қўйилган, — дейди Термиз шаҳридаги 251-участка сайлов комиссияси раиси Ш.Саъдуллаев. — Шунга мувофиқ, сайловчилар рўйхатини шакллантириб, овоз бериладиган бино ва сайлов қутиларини ҳозирлаб қўйдик. Она ва бола, тиббиёт хоналари миллий қонунчилигимизда белгиланган талаблар асосида жиҳозланди.

Тадбирда Ўзбекистон Республикаси Президенти сайловини ўтказувчи участка сайлов комиссиялари иш фаолиятини ташкил этиш, комиссияларни молиялаштириш масалалари хусусида ҳам атрофлича сўз юритилди. Иштирокчиларга сайлов жараёнида маҳаллий ва халқаро кузатувчиларнинг ўрни, сайлов кампаниясининг очиқ ва ошкоралигини таъминлашда оммавий ахборот воситаларининг роли, муддатидан олдин овоз бериш тартиблари тўғрисида маълумотлар берилди.

Шундай семинар-тренинглар вилоятнинг барча туманларида ўтказилмоқда.

 

Х.МАМАТРАЙИМОВ,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: