28.02.2015

ПАРТИЯНИНГ САЙЛОВ ШТАБЛАРИДА

тайёргарлик ишлари қизғин

Ўзбекистон Республикаси Президенти сайлови бўйича ЎзХДП Марказий Кенгаши, Қорақалпоғистон Республикаси, Тошкент шаҳар ва барча вилоятларда партиянинг сайлов штаблари фаолият юритмоқда.

Сайлов кампанияси тобора қизғин тус олиб бораётган ҳозирги шароитда сайлов штабларида ҳам сайловга тайёргарлик жараёнлари қизғин паллага кирган.

— Сайлов кампанияси даврида партиянинг сайлов билан боғлиқ бутун фаолиятини, хусусан, номзодлар, ваколатли вакиллар, кузатувчилар ва тар­ғибот гуруҳлари ишини мувофиқлаштириб боришда сайлов штабларининг алоҳида ўрни бор, — дейди  Ўзбекистон Республикаси Президенти сайловига тайёргарлик кўриш бўйича ЎзХДП Самарқанд вилоят кенгашидаги штаб раҳбари Камолбой Исабеков. — Вилоятда ташкил этилган штаблар таркибида партиянинг сайловдаги иштирокини ташкилий, ахборот-таҳлилий, ташвиқот-тарғибот, моддий-маънавий жиҳатдан таъминлаш, оммавий ахборот воситалари орқали ёритиш ва партия­нинг кенг жамоатчилик билан алоқаларини кучайтириш бўйича ишчи гуруҳлари тузилди. Улар махсус режа асосида фаолият олиб бормоқда.

Айтиш жоизки, аҳолини ЎзХДП­дан Ўзбекистон Республикаси Президент­лигига номзоднинг сайловолди дастури билан таништириш масаласига ҳам алоҳида аҳамият берилмоқда. Номзоднинг вилоят сайловчилари билан учрашуви олдидан сайловчиларга сайловолди дастури тарқатилди. Ишончли вакилларнинг туман ва шаҳар миқ­ёсидаги сайловчилар билан учрашувларида ҳам ана шундай тар­ғибот воситалари тарқатилиши режалаштирилган.

Дарҳақиқат, партия кенгашларидаги сайлов штабларида Президент сайловига тайёргарлик ишлари жадал олиб бориляпти. Сайловолди иш режаси асосида сайловчилар ва электорат вакиллари билан турли учрашув ва давра суҳбатлари, мулоқотлар ва ижтимоий-сиёсий аҳамиятга эга тадбирлар ўтказилиб келиняпти. Сайловда илк бор иштирок этаётган ёшларни қамраб олиш, уларнинг сиёсий-ҳуқуқий билимини ошириш масалаларига ҳам жиддий эътибор қаратилмоқда. Мақсад — сайловолди тарғиботини кучайтириш, аҳолининг ижтимоий-сиёсий фаоллигини ошириш, ЎзХДП ғояларини тушунтириш, партиямиздан Президентликка номзод Ҳотамжон Кетмоновни қўллаб-қувватловчилар сафини кенгайтиришдан иборат.

 

Абдурасул САТТОРОВ,

«Ўзбекистон овози» мухбири.



DB query error.
Please try later.