Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
24.02.2015

ПРЕЗИДЕНТЛИККА НОМЗОДНИНГ САЙЛОВЧИЛАР БИЛАН УЧРАШУВИ

самимий руҳда, очиқ мулоқот тарзида ўтди

21 февраль куни жиззахлик сайловчилар Ўзбекистон Республикаси Президентлигига Ўзбекистон Халқ демократик партиясидан номзод Ҳотамжон Кетмонов билан учрашдилар.

Учрашувни Ўзбекистон Республикаси Президентлигига сайлов ўтказувчи 4-Жиззах округ сайлов комиссияси раиси Абдумажид Сатторов очди ва Ўзбекистон Республикаси Президенти сайлови мамлакатимизда демократик ислоҳотлар янада чуқурлашаётган, фуқаролик жамиятини ривожлантириш йўлидаги янгиланишлар муҳим босқичга кўтарилаётган паллада ўтаётганига алоҳида эътибор қаратди.

Президентликка номзоднинг ишонч­ли вакили, ЎзХДП Жиззах ­вилоят кенгаши раиси Мўътабар ­Каримова учрашув қатнашчиларини номзоднинг таржимаи ҳоли билан таништирди.

Учрашувда Ҳотамжон Кетмонов ўзининг сайловолди дастури юзасидан маъруза қилди.

Хусусан, номзод аҳолининг кам таъминланган қатламларини ижтимоий ҳимоя қилиш тизимини янада ривожлантириш, аҳолининг истеъмол эҳтиёж­ларини қондириш, маҳаллий ­хом­­ашё ва материалларни қайта ишлаш корхоналарининг рақобатбардош, юқори сифатли истеъмол товарлари ишлаб чиқаришини рағбатлантириш масалаларига тўхталиб ўтди.

Ҳудудларнинг ижтимоий-иқтисодий тараққиётини жадаллаштириш, янги иш ўринлари яратиш имкониятларини янада кенгайтириш, умуман, турмуш фаровонлигини оширишда муҳим ўрин тутадиган жиҳатлар ҳақида ўз сайловолди дастуридан келиб чиқиб, фикр-мулоҳазаларини билдирди.

Номзоднинг таъкидлашича, ички бозорни тўлдиришда товарлар ишлаб чиқариш, хизмат кўрсатиш тармоқларини ривожлантириш учун қулай муҳит яратиш асосий омил ҳисобланади. Шу мақсадда номзод ўз сайлов­олди дастурида бир қатор масалаларни илгари сурмоқда.

Жумладан, унинг дастурида ҳудудий дастурлар ишлаб чиқиш ва амалга ошириш бўйича ҳудудий давлат ҳокимияти ва бош­қаруви органлари масъулиятини кучайтиришга қаратилган чора-тадбирлар кўриш, мамлакатда ишлаб чиқарилаётган қишлоқ хўжалиги маҳсулотларини қайта ишлаш бўйича қишлоқ жойларида оилавий тадбиркорлик ва касаначиликни ривожлантиришни рағбатлантириш, шу орқали аҳоли бандлиги, турмуш фаровонлигини ошириш лозимлиги белгиланган.

Номзоднинг дастурида баён этилган асосий йўналишлар юзасидан учрашув иштирокчилари томонидан фикр-мулоҳазалар билдирилди.

— Президентликка номзоднинг сайловолди дастуридан ўрин олган аҳоли бандлигини таъминлаш тизимини доимий равишда такомиллаштириш зарурлиги ҳақидаги таклифлар менга манзур бўлди, — деди учрашувда сўзга чиққан Жиззах транспорт ва саноат касб-ҳунар коллежи директори Қуроқбой Эргашев. — Хусусан, касб-ҳунар коллежлари битирувчиларига имтиёзли микрокредитларни тақдим этиш, ўз бизнесини йўлга қўйишда уларни белгиланган йиғимлардан озод қилиш орқали мустақил бандлигини таъминлаш, якка тартибдаги меҳнат фаолиятини рағбатлантириш учун мақбул шароитлар яратиш, шунингдек, кадр­лар тайёрлаш учун олий ўқув юртларига таълим конт­ракт­ларини тўлаётган корхоналар ва ташкилотларни рағбатлантириш ҳа­қидаги таклифлар кўпчилик сайловчиларга маъқул келди, деб ўйлайман.

Зомин туманидаги 1-ўқувчилар ижодиёт маркази директори Гулбаҳор Абдулҳакимова кам таъминланган оилалар, аҳолининг эҳтиёжманд ­қатлами вакилларини манзилли ижтимоий ҳимоялаш самарадорлигини ошириш тўғрисидаги қа­рашлардан қониқиш ҳосил қилганини айтди. Нафақалар ҳамда моддий ёрдам асосан кам таъминланган оилалар, қариялар ва болалар учун тақсимланиши ҳамда улар­нинг аниқ манзилли бўлиши жуда ҳаётий ва долзарб масала эканини таъкидлади.

Учрашувда сўз олган яна бир сайловчи — Жиззах туман фермерлар кенгаши раиси Абдунаби Абдураҳмонов уй-жойларнинг ижтимоий мақбуллигини таъминлаш, шу мақсадда ижтимоий турар-жой фондини шакллантиришга йў­налтирилган давлат мулкини хусусийлаштиришдан олинадиган маблағларнинг бир қисмидан самарали фойдаланиш механизмларини янада такомиллаштириш, тармоқ муҳандислик инфратузилмаси билан боғлиқ бўлмаган коммунал хизматлар кўрсатишнинг арзон шаклларини ривожлантириш, шу орқали аҳолига кўрсатиладиган хизматлар нархини мақбуллаштириш борасидаги йўналишларни қўллаб-қувватлашини билдирди. Сайловчилар бу йўналишлар коммунал хизматлар сифатини тубдан яхшилашда муҳим ўрин тутишига эътибор қаратди.

Жиззахлик сайловчилар номзоднинг сайловолди дастури юзасидан ўз мулоҳаза ва таклифларини ҳам билдириб ўтди.

Ҳотамжон Кетмонов учрашув иштирокчиларининг саволларига жавоб берди ва уларга эътибор ҳамда ишонч учун миннатдорлик билдирди.

Учрашувда Ўзбекистон Республикаси Президенти сайлови кўппартиявийлик ҳамда муқобиллик асосида, халқаро демократик тамойилларга тўла мос равишда, сайловчиларнинг сиё­сий фаоллиги янада ошган шароитда ўтаётгани алоҳида қайд этилди.

Учрашувда сўзга чиққанлар сайловчиларни Ўзбекистон Республикаси Президенти сайловида Ҳотамжон Кетмонов номзодини қўллаб-қувватлашга чақирди.

 

Иброҳим ЖОНУЗОҚОВ,

«Ўзбекистон овози» мухбири.




DB query error.
Please try later.