17.02.2015

КЕКСАЛАРИМИЗ ЭЪЗОЗ ВА ЭЪТИБОРДА

ЎзХДП Қорақалпоғистон Республика кенгаши Нукус шаҳар партия кенгаши билан ҳамкорликда давра суҳбати ўтказди. Унда партия фаоллари, ­«Истиқбол» ёшлар қаноти, тарғиботчилар гуруҳи аъзолари, ҳудуддаги ёши улуғ кексалар иштирок этди.

«2011-2015 йилларда ёлғиз кексалар, пенсионерлар ва ногиронларни ижтимоий ҳимоя қилишни янада кучайтириш бўйича қўшимча чора-тадбирлар тўғрисида»ги қарор ҳамда «1941-1945 йиллардаги уруш ва меҳнат фронти фахрийларини ижтимоий қўллаб-қувватлашни янада кучайтириш чора-тадбирлари тўғрисида»ги фармоннинг жойлардаги ижросини таъминлаш мақсадида жамоат­чилик ва депутатлик назоратини ўрнатиш, ёлғиз кексалар, пенсионерлар ва ногиронлар ҳолидан хабар олиш, уларга ҳуқуқий ва амалий ёрдам кўрсатиш мақсадида ташкил этилган тадбир жонли мулоқот тарзида ўтди.

Унда таъкидландики, давлатимиз томонидан мустақилликнинг илк кунларидан бошлаб, кексаларни эъзозлаш, уларга ҳурмат кўрсатиш, ижтимоий муҳофаза қилиш борасида доимий равишда эътибор ва ғамхўрлик кўрсатиб келинмоқда. Бундай амалий ишларнинг мантиқий давоми сифатида 2015 йилни Кексаларни эъзозлаш йили деб эълон қилиниши юртимизда яшаётган ҳар бир инсон қалбида меҳр-оқибат, инсонийлик туйғуларини янада кучайтирди.

Давра суҳбати давомида партия ташкилотлари ҳамда гуруҳлари электорат манфаатларини ҳимоя қилишда қонунчиликда кўзда тутилган барча ваколатлардан самарали фойдаланиши кераклиги алоҳида таъкидланди.

Шунингдек, ёлғиз кексалар, пенсионерларга оид ижтимоий-иқтисодий масалаларни ўрганиш, аниқланган камчиликларни ҳамкор ва мутасадди ташкилотлар билан ижобий ҳал этиш зарур. Мазкур масалалар юзасидан маҳаллий давлат органлари раҳбарларининг халқ депутатлари маҳаллий Кенгашлари сессияларида ҳисоботлари тинг­ланиши лозим. Шу мақсадда маҳаллий Кенгашлардаги партия гуруҳлари аъзолари томонидан ўтказилган мониторинг натижалари асосида ишлаб чиқилган таклифларни Олий Мажлис Қонунчилик палатасидаги партия фракциясига юбориш зарурлиги алоҳида таъкидланди.

Тадбир сўнгида билдирилган таклифлар асосида тавсиялар ишлаб чиқилди.

 

ЎзХДП Қорақалпоғистон Республика  кенгаши матбуот хизмати.

 




DB query error.
Please try later.