Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
24.01.2015

ДЕПУТАТЛИК – МАСЪУЛИЯТ

ЎзХДП Хоразм вилоят кенгаши «Демократик жараёнлар ва аёлларнинг сиёсий фаоллигини ошириш» мавзусида семинар ўтказди.

Унда халқ депутатлари вилоят, туман ва шаҳар Кенгашларига ЎзХДПдан депутатликка сайланган хотин-қизлар, «Фаол аёллар» қаноти, тарғиботчилар гуруҳи аъзолари иштирок этди.

Дастлаб семинарда Олий Мажлис Қонунчилик палатаси ҳамда халқ депутатлари маҳаллий Кенгашларига бўлиб ўтган сайлов натижалари ҳақида қисқача тўхталиб ўтилди.

Маълумотга кўра, халқ депутатлари вилоят Кенгашига партиямиздан сайланган депутатларнинг 20 фоизини, туман ва шаҳар Кенгашларига сайланган депутатларнинг 30 фоизини хотин-қизлар ташкил этади. Демак, туман ва шаҳарларда хотин-қизларнинг турмушини яхшилаш, оғирини енгил қилиш билан боғлиқ масалаларни ечишда имкониятларимиз етарли. Бунинг учун ҳар бир депутат янги куч, илғор ғоялар ташаббускори бўлиши керак.

— Депутатлик мартаба, лавозим ёки яна қандайдир имтиёз эмас, балки халққа яқин кўмакдош бўлиш имкониятидир, — деди ўз сўзида вилоят хотин-қизлар қўмитаси раиси, халқ депутатлари вилоят Кенгаши депутати Сайёра Абдукаримова. — Депутат халқ билан давлат идоралари ўртасида боғловчи вазифасини бажаради. Одамларни ўйлантираётган масалаларни чуқур ўрганиб, уларга ечим топишда асосий ташаббускор бўлади. Сайловолди дастуримизга мувофиқ меҳнатга лаёқатли, аммо вақтинча ишсиз хотин-қизларни меҳнатга жалб этиш, касаначиликни ривожлантириш масалалари депутатлик фаолиятимизнинг устувор йўналиши бўлиши зарур. Ўйлайманки, барча партия гуруҳлари, ҳар бир депутат билан ҳамкорликни изчил йўлга қўямиз.

Семинарда Янгиариқ туман кенгаши раиси ўринбосари Раҳимажон Машарипова «Фаол аёллар» қаноти фаолияти ҳамда ўзининг депутатлик тажрибалари тўғрисида гапирди.

Тадбирда, шунингдек, ЎзХДП вилоят кенгаши бўлим мудири Нодира Одамбоева, Хонқа туман кенгаши раиси Аҳмаджон Ваисов ва бош­қалар сўзга чиқиб, партия Сайловолди дас­турида белгиланган мақсад-вазифаларни  амалга ошириш масалалари хусусида фикр билдиришди.

 

Санобар БЕРДИЕВА,

ЎзХДП Хоразм вилоят кенгаши бўлим мудири.

 


Фикр ва мулохазалар

Защита от автоматических сообщений

Сўнгги янгиликлар: