Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
06.01.2015

ҲАР БИР АЁЛ

ҳаётидан мамнун яшаши лозим

Бугунги кунда вилоятимиздаги 34 минг нафар партия аъзосининг 12 мингга яқи­ни хотин-қизлардир. Ўтган йили уларнинг сиёсий-ҳуқуқий билими, ижтимоий фаоллигини ошириш йўлида сезиларли ишлар амалга оширилди. Айтиш керакки, айниқса, сайлов жараёнида «Фаол аёллар» қаноти қонунчиликда белгиланган 30 фоизлик квотадан тўлиқ фойдаланишга ҳаракат қилди.

Депутатликка энг фаол, сиёсий-ҳуқуқий билими юқори хотин-қизлар номзод этиб кўрсатилди. Сайлов кескин курашлар билан ўтди. Олий Мажлис Қонунчилик палатасига партиямиздан 2 нафар, халқ депутатлари вилоят Кенгашига 5 нафар аёл номзодимиз депутат этиб сайланди. Демак, вилоятимизда хотин-қизлар, айниқса, қишлоқ аёлларининг турмушини фаровонлаштиришда янги ташаббуслар билан чиқиб, уларни амалга оширишимизда партиямизнинг имкониятлари янада кенгаяди.

Президентимиз Конституциямизнинг 22 йиллигига бағишланган тантанали маросимда аёллар шаънини яна бир бор улуғлади, уларни эъзозлаш кераклигини таъкидлади. Ўйлайманки, юртимиздаги ҳар бир аёл бундан мамнун бўлди, кўнг­ли тоғдек кўтарилди. Ҳаётнинг аччиқ-чучугини тотган онахонларимиз маҳалла-кўйда, ўзаро гурунг ва суҳбатларда бу ҳақда тўлқинланиб гапиришди. Бу сўзларни тинглаб, ўзбек аёлига эътибор ва меҳр кераклигига яна бир бор амин бўлдим.

Албатта, янги йилда зиммамизда турган вазифалар кўлами янада катта эканини яхши англаймиз. Биринчи навбатда табаррук отахон ва онахонлар, оиламиз фаришталарини ардоқлаш, шу қаторда хотин-қизлар турмуш шароитини янада яхшилаш, ижтимоий фаоллигини ошириш борасида янги ташаббуслар билан чиқишимиз, ҳаётий лойиҳаларни амалга оширишимиз зарур.

 

Шаҳло ХУДОЙҚУЛОВА,

ЎзХДП Қашқадарё вилоят кенгаши Хотин-қизлар ижтимоий-сиёсий фаоллигини ошириш сектори мудири.




DB query error.
Please try later.