06.01.2015

ХАЛҚ ДЕПУТАТЛАРИ МАҲАЛЛИЙ КЕНГАШЛАРИДА ПАРТИЯ ГУРУҲЛАРИ ТАШКИЛ ЭТИЛМОҚДА

2014 йил 21 декабрь куни халқ депутатлари туман, шаҳар ҳамда вилоят Кенгашларига сайловлар уюшқоқлик билан ўтди. Бир мандатли сайлов округлари бўйича кўп партиялилик асосида ўтган сайловда халқимиз маҳаллий Кенгашларга ўз вакилларини сайлади. Сайловда Ўзбекистон Халқ демократик партиясидан кўрсатилган номзодлар муваффақиятли қатнашди. Шу кунларда халқ депутатлари маҳаллий Кенгашларида партия гуруҳлари ташкил этилмоқда.

Қорақалпоғистон Республикаси Жўқор­ғи Кенгесидаги ва халқ депутатлари маҳаллий Кенгашларидаги партия гуруҳлари «Сиё­сий партиялар тўғрисида»ги Қонунга мувофиқ тузилади.

Мазкур Қонунга кўра, партия гуруҳи сиёсий партиядан кўрсатилган депутатлар томонидан партия ­манфаатларини Қорақал­поғистон Республикаси ­Жў­қор­ғи Кенгесида, халқ депутатлари Кенгашида ифодалаш мақсадида тузилади ва белгиланган тартибда рўйхатдан ўтказилади.

Сиёсий партиядан кўр­сатилган ва Қорақалпоғистон Республикаси Жўқорғи Кенгесига ёки халқ депутатлари маҳаллий Кенгашига сайланган депутат фақат шу партиянинг пар­тия гуруҳи аъзоси бўлиши мумкин.

Қорақалпоғистон Республикаси Жўқорғи Кенгесидаги ва халқ депутатлари маҳаллий Кенгашларидаги партия гуруҳлари сиё­сий партиялар томонидан кўрсатилган депутатларнинг таъсис йиғилишларида тузилади.

Партия гуруҳлари партия гуруҳи раҳбарининг тегишли аризаси ва таъсис ҳуж­жатларига асосан тегишли равишда Жўқорғи Кенгес, халқ депутатлари Кенгашлари томонидан рўйхатга олинади.

Партия гуруҳлари сиёсий партиядан Жўқорғи Кенгесга ёки халқ депутатлари маҳаллий Кенгашига сайланган камида беш нафар депутат бирлашган тақдирда тузилади.

Аваз САИДОВ, ЎзХДП Марказий Кенгаши масъул ходими:

— Партия гуруҳларини қонунда белгиланган тартибда ва муддатда тузиш, уларнинг фаолиятини самарали ташкил этиш муҳим масала.

Маълумки, ўтган сайловдан бери қонунчиликка қатор ўзгартиш ва қўшимчалар киритилди, депутатларнинг, партия гуруҳларининг ҳудудларни ижтимоий-иқтисодий ривожлантириш масалалари юзасидан таклифлар билдириш ҳамда уларни амалга ошириш имкони кучайди. Партия гуруҳларининг фаолияти ана шу ваколатларга ҳар томонлама мувофиқ бўлиши, шу орқали электорат манфаатлари ишончли ҳимоя қилиниши керак.

Январ ИНОЯТОВ, «Нуроний» жамғармаси Қашқадарё вилоят бўлими раиси, халқ депутатлари вилоят Кенгашига ЎзХДПдан сайланган депутат:

— Сайловчилар билдирган катта ишончни оқлашимиз керак. Бунинг учун биз депутатларга катта ҳуқуқ ва ваколатлар берилган.

«Сиёсий партиялар тўғрисида»ги Қонунга кўра, партия гуруҳлари давлат ҳокимиятининг тегишли вакиллик органи сессияси кун тартибини тузишда иштирок этиш, сессия кун тартибидаги ҳар бир масала бўйича музокараларда партия гуруҳи вакилига сўз берилишини кафолатлаш, сессияда муҳокама қилинаётган масала бўйича фикрини депутатлар орасида тарқатиш, тегишли ҳудудда жойлашган давлат органи раҳбарининг ўз фаолияти масалалари юзасидан ҳисоботини ёки ахборотини халқ депутатлари Кенгашининг сессияларида эшитиш ҳақида таклифлар киритиш каби ҳуқуқ­ларга эга.

Депутатлик фаолиятимизда мазкур ҳуқуқларимиздан фойдаланиб, вилоят иқтисодиётини кўтариш, долзарб ижтимоий масалаларни ҳал қилиш жараёнларида фаол иштирок этишга, электорат манфаатлари йўлида ташаббускор бўлишга ҳаракат қиламиз.

Музаффар ТУРОПОВ, ЎзХДП Қашқадарё вилоят Кенгаши раиси ўринбосари:

–  Вилоят сайлов комиссиясининг 2014 йил 25 декабрдаги қарорига мувофиқ халқ депутатлари Қашқадарё вилоят Кенгашига сайланган депутатлар рўйхатга олинди.

Халқ депутатлари вилоят Кенгашидаги 59 депутатлик ўрнидан 22 тасига партиямиздан кўрсатилган номзодлар сайланди. Кеча партиямизнинг вилоят кенгашида бўлиб ўтган йиғилишда ЎзХДП гуруҳи ташкил этилди.

Йиғилишда 18-Чим сайлов округидан сайланган депутат, Ўзбекистон Халқ демократик партияси Қашқадарё вилоят кенгаши раиси Олим Равшанов халқ депутатлари вилоят Кенгашидаги партия гуруҳи раҳбари этиб сайланди.

Бошқа ҳудудларда ҳам халқ депутатлари туман, шаҳар ҳамда вилоят Кенгашларидаги партия гуруҳлари ташкил этилмоқда.

 

Лазиза ШЕРОВА,

«Ўзбекистон овози» мухбири.




DB query error.
Please try later.