Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
06.01.2015

МЕҲР ВА ЭЪТИБОР САМАРАСИ

Ўтган йил биз паралимпиячилар учун ҳам чинакам ғалабалар йили бўлди. Жумладан, октябрь ойида Инчеон (Жанубий Корея)да ўтказилган ёзги ПараОсиё ўйинларида қатнашган Ватанимизнинг 27 нафар спортчиси 22 олтин, 5 кумуш, 4 бронза медалини қўлга киритиб, умумжамоа ҳисобида қирқ бир давлат орасида кучли бешликдан жой олди. Ана шу мусобақада мен енгил атлетика бўйича битта олтин ва иккита кумуш медалга сазовор бўлиб, терма жамоамиз муваффақиятига ҳисса қўшганимдан бахтиёрман.

Яқинда пойтахтимизда Ёшлар маданият ва санъат маркази ҳамда Маданият ва спорт ишлари вазирлиги, шунингдек, қатор ташкилотлар ҳамкорлигида ташкил этилган «Эътироф – 2014» миллий мукофоти совриндорларини тақдирлаш маросими ўтказилди. Тантанада менга «Йилнинг энг матонатли спортчиси» номинация­си бўйича бош мукофот топширилганида қанчалик ҳаяжонланганимни сўз билан ифодалаб бера олмайман.

Мамлакатимизда ўз қобилиятини намойиш этишга интилаётган ёшлар доимий қўллаб-қувватланаётгани бизга руҳий мадад бағишлайди. Ана шу ғамхўрлик туфайли ҳаётда, жамиятда ўз ўрнимизни топаяпмиз, ҳеч кимдан кам эмаслигимизни ҳис қилиб яшаяпмиз. Спорт майдонларида эришган барча ғалабаларим аввало ана шу беқиёс меҳр ва эътибор самараси, деб биламан..

Янги йилда ниятларим янада катта. 2016 йил Рио-де-Жанейро (Бразилия)да бўладиган ёзги Паралимпия ўйинларига жиддий тайёргарлик кўраяпман. Бу нуфузли спорт ўйинларида совриндорлар сафидан ўрин олишга аҳд қилганман.

Янги 2015 йилда барчага бахт, омад тилайман. 

 

Миран САХАТОВ,

енгил атлетика бўйича ПараОсиё ўйинлари ғолиби, Осиё чемпиони.

 



DB query error.
Please try later.