18.12.2014

«МЕН ЭРТАГА ЭЛ-ЮРТГА ХИЗМАТ ҚИЛАДИГАН НОМЗОДГА ОВОЗ БЕРАМАН»

ЎзХДП Марказий Кенгаши «Истиқбол» ёшлар қаноти ташаббуси билан Тошкент архитектура ва қурилиш институтида «Сайловларда фаол иштирок этиш — менинг фуқаролик бурчим» мавзусида давра суҳбати бўлиб ўтди.

Унда партия Марказий Кенгаши масъул ходимлари, Олий Мажлис Қонунчилик палатасидаги фракцияси аъзолари, Тошкент шаҳар ва Тошкент вилоят партия кенгашлари вакиллари ва ёшлар  иштирок этди.

Сўзга чиққанлар сайловларда ёшлар фаоллигини оширишнинг аҳамиятига тўхталиб, қонунчиликка сайлов бўйича киритилган ўзгартиш ва қўшимчалар ҳамда ЎзХДП Сайловолди дастурининг асосий йўналишлари ҳақида маълумот беришди.

— Мустақиллик йилларида мамлакатимизда сиёсий ва ҳуқуқий тизим босқичма-босқич модернизация қилиниши натижасида демократик талабларга жавоб берадиган миллий сайлов тизими яратилди, — дейди Олий Мажлис Қонунчилик палатаси депутати, ЎзХДП фракция­си аъзоси Дилбар Холиқова. — Бунинг натижасида фуқароларнинг жамият ва давлат ишларини бошқаришда бевосита ҳамда ўз вакиллари орқали иштирок этиш ҳуқуқлари тўла амалга ошмоқда. Юртимизнинг барча ҳудудларида овоз берувчилар номзодларнинг дастури, сайловга оид бошқа маълумотлардан етарлича хабардорлигини ошириш борасида қатор амалий ишлар олиб бориляпти. Бу жараёнда, албатта, ёшлар иштироки жуда муҳим. Чунки, сайловда қатнашиш орқали уларнинг ижтимоий-сиёсий фаоллиги ошади, сиёсий жараёнларнинг тенг ҳуқуқли иштирокчиси бўлиш масъулияти кучаяди. Бугунги тадбир ана шу мақсадларга қаратилгани билан аҳамиятли, деб ўйлайман

— Кейинги беш йилда мамлакатимиз ҳаёти қандай бўлиши, ислоҳотларнинг тобора чуқурлашиб бориши, қандай қонунлар қабул қилиниши бўлажак сайловда  қандай номзодларга овоз берилишига боғлиқдир, — деди ЎзХДП «Истиқбол» ёшлар қаноти маркази раҳбари Шоҳрухмирзо Абдураҳмонов. — Демак, сайловда ҳар бир фуқаронинг фаол иштирок этиши, мустақил фикрлаб, овоз бериши муҳим аҳамиятга эга.

— Мамлакатимизнинг кўплаб ёшлари бу йил сайловда биринчи бор иштирок этади. Жумладан, мен ҳам бу жараёнда илк бор қатанашаман. Сайловдаги овозим билан малакат тараққиёти, халқ фаровонлиги учун масъул эканлигимни дилдан ҳис қилаяпман, — дейди Тошкент архитектура ва қурилиш институтининг 3-босқич талабаси Бону Азизова.

Давра суҳбатида ёшлар сайлов қонунчилиги бўйича ўзларини қизиқтирган саволларга жавоб олишди.

 

Феруза ТЎРАЕВА



DB query error.
Please try later.