29.11.2014

ЮКСАК ЭЪТИРОФНИНГ МАСЪУЛИЯТИ

Тўғрисини айтай, мукофотланганимни эшитиб қаттиқ ҳаяжонландим. Хаёлим беихтиёр узоқ-узоқларга кетди. Менга меҳрибонлик билан устозлик қилган, актёрлик сирларини ўргатган устозларим, театр санъатининг фидойилари кўз олдимдан бир-бир ўтди... Мен санъатда, ҳаётда нимага эришган бўлсам, аввало устозларимнинг хизмати, деб биламан.

Ҳар бир киши меҳнати эътироф этилса, қувонади албатта. Аммо эътирофнинг ўзига яраша масъулияти ҳам бор. Ўзим ҳам буни юрак-юракдан ҳис этдим.

Халқимиз маънавиятини янада юксалтириш, ёш авлод қалби ва онгига эзгулик ғояларини сингдиришда театр санъати алоҳида ўрин тутади. ­Президентимиз томонидан санъатни, хусусан, театр санъатини ривожлантиришга берилаётган катта эътибор замирида ҳам халқимиз маданиятини юксалтиришдек улуғ мақсад мужассам. Бугун республикамизнинг чекка қишлоқларида ҳам замонавий санъат масканлари барпо этилмоқда. Ёшларимиз илмда ҳам, санъат ва спортда ҳам жаҳон аҳлини лол қолдиряпти. Бу ютуқлар ўз-ўзидан бўлаётгани йўқ, кўрсатилаётган эътибор, қилинаётган ишларнинг улкан самарасидир. Юртбошимизнинг ҳаёт синовларида тобланган фидойи инсонлар ҳақида ҳикоя қилувчи асарларни саҳнага олиб чиқиш, фарзандларимизнинг маънавий дунёсини мустаҳкамлайдиган, келажакка ишончини оширадиган, ориятини кучайтирадиган замонавий қаҳрамонлар яратиш кераклиги тўғрисида қилган даъватини театримиз жамоаси ўзининг асосий вазифаси сифатида қабул қилган. Бу эзгу мақсад йўлида мен ҳам бор кучим ва истеъдодимни ая­май­­ман. Камтарона меҳнатимга берилган юксак баҳо мени янги-янги ижодий ишларга руҳлантиради.

 

Фатхулла МАЪСУДОВ,

Ўзбекистон Республикасида хизмат кўрсатган артист, «Меҳнат шуҳрати» ордени соҳиби,

ЎзХДП аъзоси.

 



DB query error.
Please try later.