Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
27.11.2014

ВАКИЛЛИК ҲОКИМИЯТИ ҚАНДАЙ САЛОҲИЯТГА ЭГА БЎЛАДИ?

Бу бизнинг бугунги фаоллигимизга, масъулиятимизга боғлиқ

Сайловлар ҳар бир сиёсий пар­тия фаолиятига холис баҳо бериладиган жараёндир.

Партиямизнинг жамиятдаги ўрни, давлат бошқарувидаги иштироки, электоратимиз манфаатини ҳимоя қилиш бўйича имкониятларимиз қандай бўлиши ана шу сайловлардаги иштирокимиз ва уларнинг натижаларига боғлиқ. Шундай экан, ҳар бир партия ташкилоти, етакчиларимиз бу жараёнда фаол иштирок этиши, имкон қадар кўпроқ номзодларимиз вакиллик ҳокимиятига сайланишига ўзининг муносиб ҳиссасини қўшмоғи зарур.

Бўлажак сайловлар Ўзбекистон Халқ демократик партияси Бекобод туман кенгаши зиммасига ҳам ўзига хос масъулият юкланади. Чунки 2009 йилда бўлиб ўтган сайловларда туман Кенгашига сайланган 26 нафар депутатнинг 15 нафари Ўзбекистон ХДП номзодлари эди. Партия фаоллари ва депутатларимиз олиб бораётган амалий ишларнинг сарҳисоби ушбу сайловда ҳам ўз аксини топади.

Сайловларда муносиб иштирок этиш мақсадида 44 та бошланғич партия ташкилотимиз атрофида бирлашган 1400 нафарга яқин аъзонинг фаоллигини янада оширишга алоҳида эътибор қаратаяпмиз. Ҳар ойнинг охирги шанбаси «Бошланғич партия ташкилотларининг сиёсий ўқувлари куни» сифатида белгиланган. Ҳар бир сиёсий ўқув-семинар ва давра суҳбатлари аъзоларимиз, аҳолининг турли вакиллари ҳамда ёшлар иштирокида ўтказиб келинмоқда.

Ҳар бир сайловчи бирор бир партия аъзоси ёки партия­сиз бўлишидан қатъи назар, сайловга оид қонун ҳужжатлари билан яхши таниш бўлиши лозим. Бу ҳар биримизнинг муҳим фуқаролик бурчимиз, десак тўғри бўлади.

Мамлакатимизда сайлов ўтказиш бўйича тўпланган тажриба, халқаро амалиёт ҳисобга олинган ҳолда миллий сайлов тизими ва унга оид қонунчилик тобора такомиллашиб боряпти. Биргина 2014 йил 5 сентябрь куни матбуотда расман эълон қилиниб, шу кундан эътиборан кучга кирган «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги Қонунни олиб кўрайлик. Унга асосан, Маъмурий жавобгарлик тўғрисидаги кодексга янги боб киритилиб, сайлов ва референдумни ташкил этиш ҳамда ўтказиш соҳасидаги ҳуқуқбузарликлар учун маъмурий жавобгарлик белгиланди. Мисол учун, Ўзбекистон Республикаси Марказий сайлов комиссиясининг, сайлов комиссияларининг, референдум ўтказувчи комиссияларнинг фаолиятига аралашиш, худди шунингдек, уларнинг ишига тўсиқларни юзага келтирса мансабдор шахс­ларга энг кам иш ҳақининг ўн бараваридан ўн беш бараваригача миқдорда, номзоднинг, ишончли вакилнинг, кузатувчининг ёки сиёсий партия ваколатли вакилининг ҳуқуқларини бузган, мансабдор шахс­ларга энг кам иш ҳақининг беш бараваридан ўн бараваригача миқдорда жарима солишга сабаб бўлади.

Бундан ташқари, «Марказий сайлов комиссияси тўғрисида»ги қонунга, Бюджет кодексига киритилган ўзгартиш ва қўшимчалар сайлов жараёнларига давлат ҳокимияти ва бошқаруви органлари, уларнинг мансабдор шахслари аралашувининг олдини олади, сайлов жараёнларини фақатгина давлат бюджетидан молиялаштиришни янада такомиллаштиришга хизмат қилади.

Конституциямизда сиёсий партиялар турли табақа ва гуруҳларнинг сиёсий иродасини ифодалайдилар ва ўзларининг демократик йўл билан сайлаб қўйилган вакиллари ор­қали давлат ҳокимиятини тузишда иштирок этадилар, деб мустаҳкамлаб қўйилган. Бу эса вакиллик ҳокимиятини шакллантиришда сиёсий партия­ларнинг ўрни нақадар муҳимлигини кўрсатади.

Янгидан шаклланадиган вакиллик ҳокимияти қандай салоҳиятга эга бўлиши, мамлакат тараққиётига қанчалик даражада таъсир кўрсатиши, ҳаётий қонунлар қабул қилиниши, умуман, халқимиз ҳаёти эртага қандай бўлиши сиёсий партияларнинг сайлов жараёнида ўз ҳуқуқларидан қай даражада фойдаланиши билан бевосита боғлиқ бўлади.

Шунинг учун биз сайлов кампаниясининг ҳар бир босқичида масъулият билан иштирок этишимиз жамоатчиликка партиямиз электорати вакилларига қилинаётган амалий ишлар тўғрисида ахборот бериб боришимиз зарур. Улар партиямиз нима учун курашаётгани, шу вақтгача Сайловолди дастуримиз ижроси юзасидан қандай ютуқларга эришганимиз ҳақида холис ахборотга эга бўлиши керак. Шунда одамлар партия фаолиятини таҳлил этиб, унинг амалий ишларини кузатиб, сўнг холис ва онгли тарз­да овоз беради.

 

Маҳмуд МАМАНОВ,

ЎзХДП Бекобод туман кенгаши раиси.



DB query error.
Please try later.