25.11.2014

«МЕНИНГ БИРИНЧИ САЙЛОВИМ»

лойиҳаси доирасида ўтказилаётган тадбирларда ёшлар фаол иштирок этмоқда

Фарғона вилоятида 339 минг нафар ёш бу йил сайловда биринчи марта овоз беради. ЎзХДП вилоят кенгаши улар учун ташкил этаётган тадбирлар қизиқарли ўтмоқда. Ёшларнинг баҳс-мунозаралари, эркин фикр юритиш ва савол-жавоблар шуни кўрсатаяптики, улар мамлакат ҳаётидаги муҳим воқеага катта қизиқиш, фаоллик билан ёндашмоқда.

«Истиқбол» ёшлар қаноти ташаббуси билан ташкил этилган бу галги «Менинг биринчи сайловим» мавзусидаги семинар-тренинг ҳам ёшлар орасида умидли сиё­сат­чилар кўплигини кўрсатди. Унда олий ўқув юртлари талабалари, касб-ҳунар коллежлари ўқувчилари иштирок этди.

Семинар-тренингда дастлаб мус­тақиллик йилларида мамлакатимизда сиёсий ва ҳуқуқий тизим изчил, босқичма-босқич модернизация қилиниши натижасида демократик талабларга жавоб берадиган сайлов тизими яратилгани, шу асосда фуқароларнинг жамият ва давлат ишларини бошқаришда бевосита ҳамда ўз вакиллари ор­қали иштирок этиш ҳуқуқлари амалга оширилаётгани тўғрисида маълумот бериб ўтилди.

— Биз Олий Мажлис Қонунчилик палатаси ҳамда Қорақалпоғис­тон Республикаси Жўқорғи Кенгесига, вилоят, туман ва шаҳар Кенгашларига сайловлар 21 декабрь куни, тўғридан-тўғри яширин овоз бериш йўли билан ўтказилиши ҳақида батафсил маълумот олдик, — дейди Қувасой иқтисодиёт, хизмат кўрсатиш ва сервис касб-ҳунар коллежи ўқувчиси Жўрабек Қодиров. — Мен сайловда иштирок этиш ҳуқуқи айни чоғда катта масъулият эканини ҳам анг­ладим. Чунки, қонун чиқарувчи ҳокимият бу — олий ҳокимият экан.  У ерда кимлар ишлашини эса бизнинг овозимиз натижалари ҳал этади.

Тадбирда ЎзХДП Марказий Кенгаши «Истиқбол» ёшлар қаноти етакчиси Шоҳрух Абдураҳмонов партиянинг янги Сайловолди дастурининг асосий йўналишлари ҳақида батафсил маълумот берди.

Шу куни 15 нафар йигит-қизга партияга аъзолик гувоҳномалари топширилди.

— 2014 йил менинг ҳаётимда унутилмас воқеалар йили бўлиб қолмоқда, — дейди Фарғона давлат университети талабаси Гулбаҳор Умарова. — Биринчидан, бу йил мен илк бор сайловда иштирок этаман. Мана, бугун эса қўлимга ЎзХДПга аъзолик гувоҳномасини олдим. Мен сайловда энди сўзсиз Ўзбекистон Халқ демократик партияси номзодига овоз бераман! Чунки, партиянинг ижти­моий ҳимоя та­мойил­ларига йўғрилган Сайловолди дас­турини тақдим қилган номзодлар келгусида ЎзХДП­нинг эзгу мақсад ва ғояларини амалга оширишларига ишонаман.

 

Муҳаммаджон ОБИДОВ,

«Ўзбекистон овози» мухбири.




DB query error.
Please try later.