Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
22.11.2014

ЖАМОАТЧИЛИК БИЛАН АЛОҚАЛАРНИ МУСТАҲКАМЛАШ ЛОЗИМ

ЎзХДП Тошкент шаҳар кенгаши Фуқаролик жамияти шакл­ланишини мониторинг қилиш мустақил институти Тошкент шаҳар ҳудудий бўлинмаси билан ҳамкорликда халқ депутатлари Тошкент шаҳар Кенгаши депутатлигига номзодлар учун давра суҳбати ўтказди. Унда сайловолди ташвиқотини юқори савияда олиб бориш, партия Сайловолди дас­турини кенг тарғиб қилиш, сайловчилар билан учрашувларни самарали ташкил этиш, депутатликка номзодларнинг ишончли вакилларини, кузатувчи ва ваколатли вакилларини тайёрлаш масалалари муҳокама этилди.

ЎзХДП Тошкент шаҳар кенгаши раиси Ҳайдар ­Бобохонов партия ташкилотларининг фаоллиги, ташаббускорлиги ва жамоатчилик билан алоқаларини янги босқичга кўтариш зарурлигига эътибор қа­рат­ди.

— Сайловнинг асосий вазифаси халқ хоҳиш-иродасини намоён этиш ва ҳокимият органлари фаолияти самарадорлигини таъминлашдан иборат, — деди у. — Шундай экан, биз сайловда муносиб иштирок этиб, давлат ҳокимиятини шакллантиришда партиямизнинг ўрнини янада мустаҳкамлаб олишимиз зарур. Хусусан, сайлов тўғрисидаги қонунчиликнинг янги қоидаларини сайловчиларга кенг тушунтириш, депутатликка номзодларимизнинг сайловолди дастурлари, ахлоқий фазилатлари билан сайловчиларни таништириш, партиямиз фаолияти бўйича ахборот-таҳлил ишларини кучайтиришимиз керак бўлади. Партиямизнинг мамлакатимизни ижтимоий-иқтисодий ва сиёсий ривожлантириш бўйича позициясини сайловчиларга, жамоатчиликка етказишда ОАВ биз учун муҳим восита бўлиб хизмат қилиши зарур.

Фуқаролик жамияти шаклланишини мониторинг қилиш мустақил институти Тошкент шаҳар ҳудудий бўлинмаси раҳбари ўринбосари Рус­там Саидов сайловолди ташвиқотини олиб боришнинг қонуний асослари ҳақида гапириб ўтди.

— Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш Концепция­сида илгари сурилган ғоялар асосида сайловолди ташвиқотини олиб боришда депутатликка номзодлар ва сиёсий партиялар учун янада кенг ва тенг шароитлар яратилди, — деди у. — Жумладан, «Ўзбекис­тон Республикаси Олий Мажлисига сайлов тўғрисида»ги Қонуннинг 27-моддасида, «Халқ депутатлари вилоят, туман ва шаҳар Кенгашларига сайлов тўғрисида»ги Қонуннинг 25-моддасида, сайловолди ташвиқоти тушунчаси, уни олиб бориш турлари, шакллари ва усуллари белгилаб қўйилди. Сайлов кампанияси даврида амалга ошириладиган ва сайловчиларни депутатликка номзодни ёки сиёсий партияни ёқлаб овоз беришга ундашга қаратилган фаолият сайловолди ташвиқот ҳисобланади.

Сайловолди ташвиқот жамоатчилик олдида мунозаралар, баҳслар, матбуот конференциялари, интервьюлар, сўзга чиқишлар, сайловчиларнинг йиғилишлари, депутатликка номзод, сиёсий партия тўғрисидаги роликларни жойлаштириш шаклида олиб борилиши мумкин.

Ташвиқот одатда оммавий ахборот воситалари, шунингдек, умумий фойдаланишдаги ахборот-телекоммуникация тармоқлари (шу жумладан, Интернет) ор­қали, босма, кўргазмали, аудиовизуал ва бошқа ташвиқот материалларини тарқатиш, шунингдек, сайловчилар билан учрашувлар ўтказиш орқа­ли амалга оширилади. Депутатликка номзодлар, сиёсий партиялар сайлов­олди ташвиқотини олиб боришнинг қонун ҳужжатларида тақиқланмаган бошқа турлари, шакллари ва усулларидан ҳам фойдаланиши мумкин.

Тадбирнинг иккинчи қисмида иштирокчилар гуруҳларга бўлинган ҳолда сайловда муваффақият қозонишнинг муҳим йўналишлари бўйича ўз таклифларини ишлаб чиқишди.

 

Юлдуз ҲАЙДАРОВА



DB query error.
Please try later.