22.11.2014

ПОЛВОНЛАРИМИЗ ЮТУҒИ

Шу кунларда пойтахтимизда оғир атлетика бўйича катталар ўртасида I Афро-Осиё чемпионати ва ёшлар ўртасида III Осиё кубоги баҳслари қизғин давом этмоқда.

Беллашувларнинг дастлабки кунида аёллар ўртасида бир йўла икки нафар спортчимиз кучлилар қаторидан жой олди.

Марина Сисоева (58 кг) даст кўтаришда 87 килограмм, силтаб кўтаришда 117 килограмм натижани қайд этди. Иккикураш якунига кўра, 204 килограммлик маррани эгаллаган Марина учта кумуш медални қўлга киритди. 

Истеъдодли оғир атлетикачиларимиздан яна бири Манзурахон Мамасолиева (69 кг) даст кўтариш баҳсларида 95 килограмм, силтаб кўтаришда 125 килограмм, иккикураш якунига кўра, 220 килограмм натижани қайд этди ва шоҳсупанинг иккинчи поғонасидан жой олди.

Чемпионатнинг эркаклар ўртасидаги беллашувлари янада кескин ва муросасиз кечаётганлигини алоҳида таъкидлаш керак. Унда спортчимиз Муҳаммад Бегалиев (85 кг) даст кўтаришда 155 килограмм оғирликни ўзига бўйсиндириб, кумуш медални қўлга киритди. Силтаб кўтаришда 182 килограмм натижа билан бронза медали соҳиби бўлди. Иккикураш якунига кўра 337 килограмм натижани қайд этган полвонимиз фахрли иккинчи поғонани эгаллади. 

Мусобақада даст кўтариш бўйича моҳир полвонимиз Шодилбек Эргашевга (94 кг) тенг келадигани топилмади. У  ўз вазн тоифасида 148 килограмм натижа кўрсатиб, чемпионатнинг олтин медалига сазовор бўлди. Шодилбек силтаб кўтаришда 176 килограмм, иккикураш якунига кўра, 324 килограмм натижа билан иккита кумуш медалга ҳам эга бўлди.

Баҳслар давом этмоқда.

 

Самандар БОБОРАЖАБОВ,

ЎзДЖТУ талабаси.

 



DB query error.
Please try later.