Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
15.11.2014

БИЗ САЙЛОВДА ҚАНДАЙ НАТИЖАГА ЭРИШАМИЗ?

Бу ҳар биримизнинг фаоллигимизга боғлиқ

«GM Uzbekistan» ёпиқ акциядорлик жамиятининг Хоразм филиалидаги Ўзбекистон Халқ демократик партияси бошланғич ташкилотида партиянинг сайловларда иштироки масалаларига бағишланган учрашув бўлиб ўтди.

Бугунги кунда бу ерда «Damas», «Chevrolet Orlando» автомобиллари ишлаб чиқарилмоқда. Шу йилнинг ўтган ойлари давомида корхонанинг муҳандис-техник, ишчи-ходимларидан кўпчилиги партиямиз сафига қабул қилинди. Жамоада қарийб минг киши меҳнат қилади. Уларнинг етмиш фоизи ёшлардан иборат. Партиямиз туман кенгаши, депутатларимиз билан ўтказилаётган учрашувлар, тарғибот-ташвиқот ишлари ЎзХДПга хайрихоҳлар сафининг ортишига сабаб бўлаяпти.

ЎзХДП Ҳазорасп туман кенгаши раҳбарлари ва фаоллари корхонага тез-тез ташриф буюриб, ёшлар учун янги иш ўринлари ташкил этиш, ёш оилаларни қўллаб-қувватлаш, уларни уй-жой билан таъминлаш, манфаатларини ҳимоя қилиш масалаларига бағишланган давра суҳбатлари, семинарлар ўтказишмоқда. Туман партия кенгаши депутатлар ваколатларидан фойдаланган ҳолда тадбирларда билдирилаётган кўплаб таклифларни ўрганмоқда.

Мазкур учрашув ҳам куннинг энг муҳим масалаларидан бирига бағишланди. Тадбирда ЎзХДП туман кенгаши раиси Боғибек Қосимов шу йил 21 декабрь куни бўлиб ўтадиган сайловларда Ўзбекистон Халқ демократик партиясининг иштироки тўғрисида сўз юритди. Сайлов қонунчилиги, фуқароларнинг сайлов ҳуқуқлари кафолатлари, ёшлар сайловда фаол иштирок этишининг аҳамияти ҳақида фикрларини билдирди.

— Ижтимоий масалалар, ислоҳотларнинг ижтимоий самарасини ошириш партиямиз учун устувор вазифа бўлиб қолаверади, — деди у. — Сайловда муносиб иштирок этиб, Олий Мажлис Қонунчилик палатаси, халқ депутатлари маҳаллий Кенгашларидан қанча кўп ўринни қўлга киритсак, мақсадларимизни рўёбга чиқариш имконияти ҳам шунча юқори бўлади. Шунинг учун ҳар биримиз партиямиз ғояларини тарғиб қилиш ишларида муносиб иштирок этишимиз керак.

— Корхонамизда фаолият кўрсатаётган ёшларнинг 40 фоизи партиямиз аъзоларидир, — деди бошланғич партия ташкилоти раиси Ўткир Жумабоев. — Демак, улар оддий сайловчи эмас, сиёсий партия аъзоси сифатида номзодларга овоз беради. Бу ҳақиқатдан ҳам ўта масъулиятли жараён. Чунки, уларнинг овози мамлакатимиз эртанги куни қандай бўлишини белгилаб беради. Кимга ва нима учун овоз беришни чуқур ўйлаб, кейин қарор қабул қилиш ёшларимизнинг сиёсат борасида қанчалик билимга, мушоҳадага эга эканлигини англатади.

Учрашув фикр алмашув, савол-жавоб асосида ўтди. Шу куни корхона муҳандисларидан Зоҳидбек Қаландаров, Маҳмуджон Абдуллаев, Собиржон ­Бобожонов ва бошқа бир гуруҳ ходимлар Ўзбекистон Халқ демократик партияси аъзолигига қабул қилишларини сўраб ариза беришди.

 

Санобар БЕРДИЕВА,

ЎзХДП Хоразм вилоят кенгашининг

Жамоатчилик ва ОАВ билан ишлаш сектори мудири.


Фикр ва мулохазалар

Защита от автоматических сообщений

Сўнгги янгиликлар: