Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
13.11.2014

ОҒИР АТЛЕТИКАЧИЛАРИМИЗ

жаҳон чемпионатида

Шу кунларда Қозоғистоннинг Алмати шаҳрида оғир атлетика бўйича навбатдаги жаҳон чемпионати қизғин давом этмоқда. Унда дунёнинг саксонга яқин давлатидан етти юз нафарга яқин спортчи ғолиблик учун кураш олиб боряпти.

Нуфузли мусобақада Адҳам Эргашев (56 кг), Достон Ёқубов (69 кг), Муҳаммад Бегалиев (85 кг), Улуғбек Алимов (85 кг), Сардор Дўстмуродов (105 кг), Руслан Нурудинов (105 кг) ва Иван Евремов (+105 кг), Маҳлиё Тоғаева (48 кг), Лола Қодирова (48 кг), Марина Сисоева (53 кг), Фарангиз Шомуродова (58 кг) ҳамда Манзура Мамасолиева (69 кг) каби оғир атлетикачилар юртимиз шарафини ҳимоя қилишмоқда.

— Жаҳон чемпионатида барча терма жамоалар энг сара таркиб билан иштирок этяпти, — дейди Ўзбекистон оғир атлетика федерацияси етакчи мутахассиси Ғайрат Хонназаров. — Хабарингиз бор, 2016 йили Рио-де-Жанейрода XXXI ёзги Олимпия ўйинлари ўтказилади. Айни чоғда Алматида давом этаётган мусобақалар ва 2015 йили Хьюс­тон (АҚШ) шаҳрида ўтказиладиган жаҳон чемпионатида қўлга киритилган рейтинг очколари навбатдаги ёзги Олимпия ўйинларига бериладиган йўлланмалар тақдирини ҳал этади. Икки жаҳон чемпионати якунларига кўра, умумжамоа ҳисобида 1-6 ўринни эгаллаган терма жамоаларга 6 та, 7-12 ўринларни банд этганларга 5 та, 19-24 ўринларни эгаллаган давлат вакилларига эса 3 та йўлланма берилади. Йўлланмалар эркаклар ва аёллар терма жамоалари учун алоҳида-алоҳида ўйналади. Шунингдек, 2016 йили Тошкентда ўтказиладиган Осиё чемпионатида ҳам Рио-де-Жанейро олимпиадаси лицензиялари тақдири ҳал этилади. Унда умумжамоа ҳисобида биринчи ўринни эгаллаган (эркаклар — аёллар) терма жамоаларга биттадан йўлланмалар тақдим этилади.

Мусобақа давом этмоқда.

 

Эркин ХОЛБОБО,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: