Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
14.10.2014

БОЛАЛАРНИНГ АХБОРОТ ХАВФСИЗЛИГИ

кафолатлари янада кучаяди

«Соғлом бола йили» Давлат дастурида соғлом ва баркамол авлодни тарбиялаш учун қулай ташкилий-ҳуқуқий шароит яратиш бўйича қатор чора-тадбирлар белгиланган. Яқинда парламент Қонунчилик палатасига киритилган «Болаларни уларнинг жисмоний ва маънавий ривожланишига салбий таъсир кўрсатадиган ахборотдан ҳимоя қилиш тўғрисида»ги қонун лойиҳаси шунга мувофиқ ишлаб чиқилган.

ЎзХДП фракцияси ишчи гуруҳининг йиғилишида мазкур қонун лойиҳасини Олий Мажлис Қонунчилик палатасида кўриб чиқиш учун қабул қилиш масаласи муҳокама этилди.

Йиғилиш иштирокчилари, аввало, эътироф этишдики, мамлакатимизда ҳар томонлама соғлом авлодни вояга етказиш вазифаси давлат сиёсатининг устувор йўналишларидан бири бўлиб келмоқда. Лекин ҳозирги тезкор глобаллашув шароитида ўсиб келаётган болаларни турли хавфли ахборот таъсирларидан ҳимоя қилиш тобора долзарб аҳамият касб этмоқда.

— Айниқса, болаларни уларнинг жисмоний, руҳий, ижтимоий, маънавий ривожланишига зарар етказадиган ахборотлардан, жумладан, зўравонлик, шафқатсизлик, ахлоқсизлик,  жамиятга қар­ши ҳаракатларни тарғиб қилувчи босма ва аудио-визиуал маҳсулотлар, турли компьютер ўйинларидан ҳимоя қилиш, бу борада ташкилий-ҳуқуқий ­механизмни аниқ белгилаш ­муҳимдир, — дейди ЎзХДП фракцияси аъзоси ­Абдуғаффор Қирғизбоев. — Дастлабки тарзда кўриб чиқилаётган қонун ло­йиҳаси шу мақсадга қаратилган. Мазкур ҳужжатда баён этилаётган меъёр­лар ЎзХДП дастурий мақсадларига мувофиқ келади. Маълумки, пар­тиямиз Сайловолди дастурида ёш авлод ҳар томонлама баркамол бўлиб улғайиши учун қулай шароит яратиш, бу борадаги ислоҳотларни изчил давом эттиришга алоҳида эътибор берилган.

— Қонун лойиҳасида болалар ўртасида тарқатиш таъ­қиқ­ланган ёки маълум ёш тоифасидаги болалар ўртасида тарқатиш чекланган ахборот маҳсулотлари тури аниқ белгилаб берилмоқда, — дейди ЎзХДП фракцияси аъзоси Дилбар Холиқова. — Шунингдек, унда ахборот маҳсулотини ёшга қараб таснифлаш (масалан, 7 ёшгача, ёшдан 12 ёшгача каби),  ахборот маҳсулотининг жанри, мавзуси, мазмуни ва безаги, тегишли ёш гуруҳидаги болаларнинг ахборотни қабул қилиш хусусиятлари назарда тутилмоқда. Буларнинг барчаси фарзандларимизни аёвсиз ахборот хуружидан ҳимоялашда муҳим ўрин тутади. Шунинг учун қонун лойиҳаси парламентда кўриб чиқиш учун қабул қилинишини қўллаб-қувватлайман.

Муҳокамаларда сўзга чиққан ишчи гуруҳ аъзолари қонун лойиҳаси бўйича дастлабки ижобий фикр-мулоҳазаларини билдиришди. Натижада қонун лойиҳасини Олий Мажлис Қонунчилик палатаси кўриб чиқиши учун қабул қилиш мумкинлиги тўғрисида хулосага келинди ва у масъул қўмитага тақдим этилди.

Шунингдек, йиғилишда ЎзХДП дастурий мақсадларига мувофиқ таклифлар тайёрлаш бўйича ишчи гуруҳнинг вазифалари белгилаб олинди.

Энди мазкур ҳужжат фракциянинг кенгайтирилган йиғилишида дастлабки тарзда муҳокама қилинади.

 

Ўз мухбиримиз.


Фикр ва мулохазалар

Защита от автоматических сообщений

Сўнгги янгиликлар: