Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
01.10.2014

МЕНИНГ БИРИНЧИ САЙЛОВИМ

Тошкент шаҳрининг Яшнобод туманидаги Компьютер технологиялари касб-ҳунар коллежи эълонлар тахтасида «Сиё­сат ва ёшлар: менинг биринчи сайловим» мавзусида давра суҳбати ўтказилади. Ўзбекистон Халқ демократик партияси фаоллари саволларингизга жавоб беради», деган эълон ёзилган.

— Бу йилги сайловларда биринчи марта ўз овозим билан иштирок этаман, — дейди мазкур коллежнинг 3-курс талабаси Эльмира Тўрахонова. — Демак, тадбир мен учун қизиқарли ҳамда фойдали бўлади. Сайлов жараёнлари ҳақида янада кўпроқ маълумот олиш учун бу давра суҳбатида албатта қатнашишим керак...

Тадбир бошланди. Эльмира сингари сайловда биринчи марта овоз берадиган кўплаб ёшлар мамлакатимиз сайлов тизими, сайлов қонунчилигига киритилган ўзгартиш ва қўшимчалар ҳақидаги суҳбатларни қизиқиш билан тинглашди. Тадбирни ташкил этишдан мақсад ёшларда дахлдорлик ҳиссини, фуқаролик позициясини кучайтиришдан иборатдир. 

Халқ депутатлари Тошкент шаҳар Кенгашидаги ЎзХДП гуруҳи аъзоси Акрам Ҳошимов мамлакатимиз сайлов қонунчилигидаги ўзгаришлар, сайлов ҳуқуқлари эркинлигини таъминлаш борасида амалга оширилаётган ишлар ҳақида ёшларга тушунчалар берди.

— Сизлар бу йил сайловда илк бор иштирок этасиз, ўзингиз муносиб топган номзодларни давлат ҳокимиятининг вакиллик органларига сайлаб, уларга ишонч билдирасиз, — деди депутат. — Шунинг учун мамлакатимизда шаклланган демократик принципларга асосланган сайлов тизими, бу борадаги қонунчилик ҳақида яхши билишингиз зарур.

Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясида белгилаб берилган вазифаларни амалга ошириш мақсадида «Ўзбекистон Республикаси Олий Мажлисига сайлов тўғрисида»ги ҳамда «Халқ депутатлари вилоят, туман ва шаҳар Кенгашларига сайлов тўғрисида»ги қонунларга киритилган ўзгартиш ва қўшимчаларга асосан сайловолди ташвиқоти тушунчасига аниқликлар киритилди.

Сайловолди ташвиқоти сайлов кампания­си даврида амалга ошириладиган ва сайловчиларни депутатликка номзод ёки сиёсий партия учун овоз беришга ундашга қаратилган фаолият сифатида таърифланди ҳамда сайлов куни ва сайлов бошланишидан бир кун олдин сайловолди ташвиқотини ўтказишга йўл қўйилмаслиги қатъий белгилаб қўйилди. Мамлакатимиз сайлов қонунчилигидаги бу каби ўзгаришлар фуқароларнинг сайлов ҳуқуқлари эркинлигини таъминлаш ва сайлов қонунчилигини ривожлантириш борасида муҳим қадам бўлди.

Компьютер техноло­гиялари касб-ҳунар коллежи учинчи курс ўқувчиси Бекзод Эркабоев тадбир жуда фойдали бўлганини таъкидлади.

— Сайлов жараёнлари ҳақида умумий тасаввурга эга бўлсам-да, сайлаш ва сайланиш тартиби, сайлов ҳуқуқлари, сайлов қонунчилиги ҳақида чуқур билмасдим, — дейди у. — Бугунги давра суҳбати давомида мен бу ҳақда кўп нарсани тушуниб етдим. Бу йил сайловда биринчи марта овоз бераман. Мен овоз берадиган номзод эртага мамлакат ривожи, халқ фаровонлигини таъминлашга хизмат қиладиган шахс бўлади. Бу эса, ўз навбатида, ҳар биримизга катта масъулият юклайди.

Тадбирда, шунингдек, ЎзХДП Марказий Кенгаши «Истиқбол» ёшлар қаноти етакчиси Шоҳрух Абдураҳмонов, қанотнинг Тошкент шаҳар бўлими етакчиси Ихтиёр Салаев, Яшнобод туман бўлими етакчиси Умид Ҳошимов мавзу бўйича фикр-мулоҳазаларини билдиришди. Ёшлар ўзларини қизиқтирган саволларга батафсил жавоб олишди.

 

Гулруҳ ОДАШБОЕВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: