Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
25.09.2014

ЭЛЕКТОРАТ ТАКЛИФЛАРИ МУҲОКАМАДА

Парламент қуйи палатасидаги ЎзХДП фракцияси қонун лойиҳаларида электорат манфаатларини ифода этиш мақсадида жойларда жамоатчиликнинг фикр-мулоҳазаларини ўрганмоқда. Бу жараёнда партия Марказий Кенгаши ҳамда маҳаллий ташкилотлари билан узвий алоқада иш олиб бориляпти.

Учрашувларда, давра суҳбатларида қонун лойиҳалари мутахассислар, электорат вакиллари иштирокида чуқур таҳлил қилиниб, мавжуд ҳолат ва истиқболдаги масалалар бўйича таклифлар ишлаб чиқилаётир. Бу фракция­нинг доимий иш тартибига айланди.

Шундай тадбирлардан бири ўтган ҳафта Сурхондарё вилоятида ўтказилган эди. Унда «Аҳолининг санитария-эпидемиология масалаларида осойишталиги тўғрисида»ги қонун лойиҳаси электорат вакиллари иштирокида кўриб чиқилиб, қатор таклифлар ўртага ташланган эди.

Фракциянинг қонун лойиҳасини такомиллаштириш юзасидан тузилган ишчи гуруҳи куни кеча мазкур таклифларни муҳокама қилди.

Эслатиб ўтамиз, ЎзХДП фракцияси аҳолининг санитария — эпидемиология масалаларида осойишталигини таъминлаш соҳасида юридик ва жисмоний шахслар, якка тартибдаги тадбиркорларнинг ҳуқуқ ҳамда мажбуриятлари аниқ белгилаб берилаётгани ва бош­қа жиҳатларни ҳисобга олиб, мазкур қонун лойиҳасини биринчи ўқишда қўллаб-қувватлаган.

Алишер СОДИҚОВ, ЎзХДП фракцияси аъзоси:

— Йиғилишда Сурхондарё вилоятидаги муҳокамалар жараёнида эътибор берилган қатор масалалар яна бир бор атрофлича кўриб чиқилди. Хусусан, санитария-эпидемиологик хавфсизликни таъминлаш учун нафақат давлат назоратини, шу билан бирга, фуқаролик жамияти институтларининг иштирокини ҳам кучайтириш, озиқ-овқат маҳсулотларига, уларни ишлаб чиқариш, ташиш, сақлаш ва сотишга, таълим ва тарбия муассасалари фао­лияти билан боғлиқ санитария-эпидемиологик талабларни янада такомиллаштириш йўллари ўрганилди.

Ишчи гуруҳ партиямиз дастурида ва фракциямиз фаолиятида  аҳоли бандлигини таъминлаш устувор аҳамият касб этишини инобатга олиб, меҳнат шарт-шароитларига қўйиладиган санитария-эпидемиологик талаблар юзасидан билдирилган таклифларга алоҳида эътибор қаратди. Чунки электорат вакилларининг бу борадаги фикр-мулоҳазалари масала ҳақиқатдан ҳам долзарб эканини англатади.

Ишчи гуруҳ йиғилишида қонун лойиҳасининг юқорида қайд этилган меъёрларини янада аниқлаштириш ва такомиллаштириш бўйича таклифлар маромига етказилди. Мазкур таклифларни масъул қўмитага тақдим этишга келишиб олинди.

 

Тўлқин ТЎРАХОНОВ



DB query error.
Please try later.