Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
11.09.2014

БОШЛАНҒИЧ ТАШКИЛОТ ПАРТИЯНИНГ

эртанги кунини белгилаб беради

Сиёсий партиянинг дастурий мақсад ва вазифаларини халққа етказиш, уни кенг тарғиб қилиш, хайрихоҳларини кўпайтириш, электорат манфаати билан боғлиқ муаммо ва камчиликларни ҳал этиш бўйича биринчилардан бўлиб ташаббус кўрсатиш бошланғич партия ташкилотининг асосий вазифаси ҳисобланади.

Ғузор туманидаги «Обод» маҳалла фуқаролар йиғинида ташкил этилган ҳудудий бошланғич партия ташкилоти ўз ишини ана шу талаб ва мезонлар асосида олиб бормоқда.

— Ҳозирда 118 нафар партия аъзосининг асосий қисмини ёшлар ташкил этади, — дейди бошланғич ташкилот етакчиси Ҳошим Каримов. — Бош­ланғ­ич ташкилотимизда халқ депутатлари туман Кенгаши депутатлари ҳамда «Истиқбол» ёшлар қаноти билан ҳамкорликда кўплаб тадбирлар ташкил этиб борилмоқда.

Ўтган йили бошланғич ташкилот аъзоси, халқ депутатлари туман Кенгаши депутати Элбек Омонов таклифига кўра, халқ депутатлари туман Кенгаши сессиясида молия бўлими раҳбари Алишер Оймуродовнинг халқ таълими муассасалари фаолиятини методик таъминлаш ва ташкил этиш бўлими ҳамда тиббиёт бирлашмаси томонидан бюджет маблағлари ижро этилишининг аҳволи тўғрисидаги ахбороти эшитилди.

Шунингдек, бошланғич ташкилот фаоли бўлган кўплаб йигит-қизлар «Ёш сиёсатчи» кўрик-танловида муносиб қатнашиб ке­лиш­япти.

— Ҳозирги ёшлар ўз мақсади йўлида интилувчан, фаол ва ­ташаббускордир, — дейди ЎзХДП фаоли, Ғузор қурилиш ва коммунал хўжалиги касб-ҳунар коллежи ўқитувчиси Шерзод Жумаев. — Бошлан­ғич ташкилотимиз томонидан ёшлардан иборат «Кў­мак» гуруҳи ташкил этилган. Мазкур гуруҳ аъзолари маҳалладаги боқувчисини йўқотган, кам таъминланган оилалар ҳолидан хабар олиб, моддий ва маънавий ёрдам кўрсатяпти, маҳалламизни ободонлаштириш ишларида қатнашяпти.

Умуман олганда, бошланғич ташкилот партиянинг эртанги кунини белгилаб беради. Шундай экан, партиямиз тизимида уларнинг ­фаолиятига эътиборни янада кучайтириш, илғор тажрибаларни ­оммалаштириб бориш муҳим аҳамиятга эга.

Абдураззоқ МУРОДОВ,

ЎзХДП Қашқадарё вилоят кенгаши жамоатчилик ва ОАВ билан ишлаш сектори мудири.



DB query error.
Please try later.