Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
09.09.2014

ХАЛҚАРО АССОЦИАЦИЯ КОНГРЕССИ БЎЛИБ ЎТДИ

Пойтахтимизда Халқаро спорт курашлари ассоциациясининг ҳисобот-сайлов конгресси бўлиб ўтди. Унда юздан ортиқ мамлакат федерациялари раҳбарлари, спорт уюшмалари ва компаниялари вакиллари иштирок этди.

Ўзбекистон Миллий Олимпия қўмитаси раиси ­Мираброр Усмонов, Халқаро спорт курашлари ассоциацияси президенти Ненад Лалович ва бошқалар ­Президент Ислом Каримов раҳнамолигида спортни ривожлантиришга алоҳида эътибор қаратилаётгани, бунинг самарасида Ўзбекистоннинг спорт соҳасидаги салоҳияти ва нуфузи тобора ортиб бораётганини таъкидлади.

Мамлакатимизнинг барча шаҳару қишлоқларида бун­ёд этилган спорт мажмуаларида болалар ва ёшлар спорт билан мунтазам шуғулланиб, саломатлигини мус­таҳкамламоқда. Малакали устоз ва мураббийлар кўмагида катта спортга қадам қўймоқда.

Юртимизда Олимпия спорт турлари жадал ривожланиб, спортчиларимиз халқаро мусобақаларда юксак натижаларга эришмоқда. Бу борада эркин ва юнон-рум кураши бўйича терма жамоамиз етакчидир. Полвонларимиз Олимпия ўйинларида 4 олтин ва 3 кумуш медални қўлга киритган. Яқинда Хитойнинг Нанкин шаҳрида бўлиб ўтган ўсмирлар Олимпиадасида юнон-рум кураши бўйича олтин медални қўлга киритган Илҳом Баҳромов юртимизда курашчиларнинг муносиб авлоди етишиб чиқаётганини исботлади.

Мамлакатимиз нафақат истеъдодли полвонларни тарбиялаш, балки кураш бўйича халқаро мусобақаларни юксак савияда ўтказиш борасида ҳам довруқ қозонган.

2011 йили Туркияда бўлиб ўтган жаҳон чемпионати доирасида 2014 йилги жаҳон чемпионатини қайси мамлакатда ташкил этиш масаласи муҳокама этилган эди. Эркин, юнон-рум ва хотин-қизлар кураши бўйича катталар ўртасида ташкил этиладиган ушбу нуфузли мусобақани ўтказишга Ўзбекистон, Швеция, Финляндия, Венгрия, Хорватия, Польша, Эрон, Озарбайжон сингари ўндан ортиқ давлатлар даъвогарлик қилган эди. Юртимиздаги тинчлик ва барқарорлик, ривожланган спорт инфратузилмаси, мусобақаларни юқори савияда ўтказиш тажрибаси эътиборга олиниб, мезбонлик ҳуқуқи бир овоздан мамлакатимизга берилди.

Халқаро спорт курашлари ассоциацияси аъзолари бу танлов тўғри бўлганини, Тошкентда жаҳон чемпионатини ўтказишга юксак савияда тайёргарлик кўрилганини таъкидлади.

Конгрессда Халқаро спорт курашлари ассоциацияси томонидан амалга оширилган ташкилий ишларга оид ахборотлар тингланди.

Йиғилишда ташкилотнинг номини ўзгартириш масаласи муҳокама этилди. Ташкилот бундан буён Бутунжаҳон кураш иттифоқи (United World Wrestling) дея юритилиши эълон қилинди. Мажлисда UWWнинг янги Конс­титуцияси, Низоми, Допингга қарши регламенти каби бир қатор ҳужжатлар қабул қилинди. Ташкилотнинг 2014-2016 йиллардаги бюджети, истиқболли режалари тасдиқланди.

Конгресс аъзолари Бутунжаҳон кураш иттифоқи раҳбарлигига Ненад Лаловични сайладилар. Ушбу нуфузли ташкилотнинг Бюро аъзолигига ҳамюртимиз Аҳрол Рўзиев қайта сайланди.

— Ташкилотимиз тарихида янги даврни бошлаб берган ушбу конгресснинг Ўзбекистонда ўтказилгани чуқур маъно-мазмун касб этди, — деди Бутунжаҳон кураш иттифоқи президенти Ненад Лалович. — Бугун Ўзбекистон барча жабҳаларда, жумладан, спорт соҳасида ҳам дунёда ўз ўрнига эга. Президент Ислом ­Каримов томонидан болалар спортини ривожлантиришга катта эътибор қаратилаётгани, барча ёшдаги ўғил-қизларни қамраб олган уч босқичли спорт ўйинлари ўтказилаётгани натижасида Ўзбекистон спортчилари халқаро майдонда улкан ютуқларга эришмоқда. Хитойнинг Нанкин шаҳрида ўтган ўсмирлар ўртасидаги II Олимпия ўйинларида юртингиз ёшлари 4 олтин, 3 кумуш ва 3 бронза медални қўлга киритгани ҳам ана шу юксак эътибор самарасидир. Тошкентда эркин, юнон-рум ва аёллар кураши бўйича катталар ўртасидаги жаҳон чемпионатининг юқори савияда ўтишига ишонаман. Чунки бунинг учун мамлакатингизда барча зарур шароит мавжуд.

Анжуманда Ўзбекистон Республикасининг Бош вазири Ш.Мирзиёев сўзга чиқди.

Анвар САМАДОВ,

ЎзА мухбири.



DB query error.
Please try later.