Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
01.09.2014

БАХТИМИЗ ВА ТОЛЕИМИЗ

шуки, биз обод юртнинг озод одамларимиз

Истиқлол байрами арафасида ўтган даврда мамлакатимиз босиб ўтган йўлга назар ташлаб, эришилган ютуқларни таҳлил қилиш анъанага айланган.

ЎзХДП Тошкент шаҳар кенгаши Чилонзор туман партия кенгаши билан ҳамкорликда «Мустақиллик  — юртимиз ободлиги, турмушимиз фаровонлиги, халқимиз бахту-саодатининг кафолатидир» мавзусида ўтказган давра суҳбатида бу ҳақда алоҳида таъкидланди. Тошкент шаҳар партия кенгаши ходимлари, халқ депутатлари Тошкент шаҳар Кенгашидаги ЎзХДП гуруҳи аъзолари, партия фаоллари ва ёшлар барча соҳаларда қўлга киритилаётган ютуқлар ҳамда инсон манфаатини таъминлашга қаратилаётган юксак эътибор ҳақида фикр алмашишди.

— Йигирма уч йиллик тараққиёт йўли бизнинг хал­қимиз дунёда ҳеч кимдан кам эмаслиги ва кам бўлмаслигини амалда кўрсатди, — деди ЎзХДП Тошкент шаҳар кенгаши раиси Ҳайдар Бобохонов. — Шундай пайтда ҳар биримиз мустақиллик буюк ва азиз неъмат эканлигини англаймиз.

Тасаввур қилайлик. Мустабид тузум даврда шаҳарларимиз кўриниши қандай аҳволда эди, қишлоқларимиз аҳволи-чи?.. Ёки таълим, тиббиёт соҳасини олайлик, кечаги аҳвол билан бугунги янгиланишларни қиёслаб, хулоса чиқарайлик... Бу кунларга етиб келиш осон кечмади, албатта. Шу боис, мус­тақилликни кўз-қорачиғидек асраш, уни янада мустаҳкамлаш ҳар биримиз учун ҳам фарз, ҳам қарздир. 

— Мамлакатимизда демократик ислоҳотларни чуқурлаштириш ва фуқаролик жамиятини ривожлантириш йўлида чуқур ислоҳотлар олиб боряпти, — деди халқ депутатлари Тошкент шаҳар Кенгашидаги ЎзХДП гуруҳи аъзоси Жасур Қулмуҳаммедов. — Ислоҳотлардан мақсад – очиқ фуқаролик жамияти барпо этиш, ривожланган демократик мамлакатлар сафидан муносиб ўрин олишдан иборат. Халқимиз манфаатини кўзлаган бу эзгу ғоя сўзсиз амалга ошиши учун ҳар биримиз мустақилликнинг қадрига етиб, уни мустаҳкамлаш йўлида фидойи бўлишимиз, қабул қилинаётган қонунлар мазмун-моҳияти, ҳа­ё­тимиздаги аҳамиятини элек­торатимиз орасида чуқурроқ тушунтириб боришимиз ҳамда уларнинг ижро этилиши устидан таъсирчан жамоатчилик ва депутатлик назоратини олиб боришимиз керак.

— Бугун биз мураккаб бир даврда яшаётганимиз, ҳар тарафда ахборот хуружи авж олаётгани ҳеч биримизга сир эмас, —  деди Тошкент автомобиль ва йўллар касб-ҳунар коллежи директорининг маънавият ва маърифат ишлари бўйича  ўринбосари Дилфуза Расулова. — Шу боис жаҳонда ва ён-атрофимизда бўлаётган маънавий таҳдид ва хатарларни тўғри баҳолаб, улардан тегишли сабоқ чиқариб яшаш керак. Бизнинг бахтимиз, толеимиз шуки, биз обод юртнинг озод одамларимиз. Шундай экан, тинч, осойишта ва фаровон ҳаётнинг қадрига етиб, юртимиз янада тараққий этишига ҳар биримиз ўзимизнинг муносиб ҳиссамизни қўшишимиз лозим.

Тадбирда сўзга чиққанларнинг ҳар бири мустақиллик қадрини аҳоли, айниқса, ёшлар ўртасида янада кенгроқ тарғибот қилиш зарурлигига эътибор қаратди.

 

Лазиза ШЕРОВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: