Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
28.08.2014

ОНА ЮРТ ҲИМОЯЧИЛАРИ

Ҳарбийлар ҳақида сўз кетганда Юртбошимизнинг ҳарбий қисмларнинг бирида бўлган учрашувда «Бронжилет остида ҳам юрак бор. Буни эсдан чиқармаслигимиз, уларнинг кўнглини, руҳиятини кўтаришимиз керак», деган сўзлари ёдга тушади.

Қуролли Кучлар давлат музейида «Ягонасан, муқаддас Ватаним, севги ва садоқатим сенга бахшида, гўзал Ўзбекистоним!» шиори остида ўтказилган бадиий-адабий тадбир ҳам шу фикрларга ҳамоҳанг тарз­да ўтди. Унда ҳарбий хизматчилар, таниқли актёр ва хонандалар, ижодкорлар иштирок этди.

— Ҳарбийлар билан ўтадиган учрашувларга, тадбирларга доим ошиқаман, — дейди Ўзбекистон халқ артисти Саидкомил Умаров.
— Ватан ҳимоячилари тимсолида юртимизнинг фаровонлиги, халқимизнинг хотиржамлиги, осмонимизнинг мусаффолиги мужассам. Ватанни, онани мадҳ этувчи шеър-қўшиқлар, шу юртнинг тинчлиги учун туну кун меҳнат қилаётган ўғлонларимизнинг қалбида меҳр-муҳаббат, садоқат туйғуларини уйғотганидан хурсанд­ман.

— Куй-қўшиқлар, таниқли кишилар билан суҳбатлар аскарларга доимо куч бағишлайди — дейди Ўзбекистонда хизмат кўрсатган маданият ходими, Мудофаа вазирлиги ҳузуридаги Жамоатчилик кенгаши аъзоси Шавкат Маҳбубов. — Айниқса, аскарларнинг ҳаётини экранга кўчирган ва кўпчиликнинг эътирофига сазовор бўлган фильм ижодкорларининг фикрлари ҳам йиғилганларда яхши таассурот қолдирди.

— Санъаткорларнинг куй-қўшиқлари, айниқса, она ҳақида айтилган шеърлар мени тўлқинлантириб юборди, — дейди оддий аскар Сирожиддин Холбоев. — Ўзим журналистика факультетини тугатганман. Хизматни тамомлагач, ўз касбим бўйича ишламоқчиман.  

Тадбирда Ватан ягоналиги, уни ҳимоя этиш, унинг гуллаб-яшнаши йўлида меҳнат қилиш олий саодат экани ҳақида фикрлар билдирилди. 

Маънавий-маърифий тадбир Қуролли Кучлар Марказий ашула ва рақс ансамбли ижодкорлари ҳамда юртимизнинг таниқли  хонандалари томонидан тайёрланган концерт дас­тури билан якунланди.

 

Бобур ЭЛМУРОДОВ,

«Ўзбекистон овози» мухбири.



DB query error.
Please try later.