Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
23.08.2014

ЖАМОАТЧИЛИК НАЗОРАТИ

аввало, электорат манфаатига хизмат қилади

ЎзХДП САЙЛОВОЛДИ ДАСТУРИДАН:

Ўзбекистон ХДП ҳокимиятнинг барча даражалардаги вакиллик органларида ўз вакилларига кўрсатилган ишончдан фойдаланиб, давлат қарорларининг жойларда бажарилиши устидан жамоатчилик назоратини ўрнатишга кўмаклашади.

Партиянинг жамиятда ўз ўрнига эга бўлиши, таъсир кучи кўп жиҳатдан унинг электорат билан ишлаш механизмига боғлиқ. Шу боис ҳар бир партия унга ишонган, қўллаб-қувватлаган кишилар манфаатини ҳимоя қилиш, уларни ўйлантираётган масалаларни ҳал этишга барча имкониятларни ишга солган ҳолда курашишни ўз вазифаси, деб билади. Қолаверса, электорат манфаатини самарали ҳимоя қилишга қаратилган ҳаётий таклифларни илгари суриш ва уларни амалга ошириш йўлида изчил иш олиб боришга ҳаракат қилади.

Биз фаолиятимиз давомида айнан шу масалаларга алоҳида эътибор қаратаяпмиз. Электорат манфаатини ҳимоя қилиш, жойларда муаммоларни изчил ўрганиш, уларнинг ечими бўйича муқобил таклифларни шакллантиришда халқ депутатлари Тошкент шаҳар Кенгашидаги партия гуруҳи билан мустаҳкам ҳамкорлик бизга яхши самара бермоқда.

Туман партия кенгаши Жамоатчилик қабулхонасига аҳо­лидан кўплаб мурожаатлар бўлади. Улар орасида кўп қаватли уйлар олдида болалар майдончаси барпо этиш ёки уларни таъмирлаш, иш ўринлари яратиш, коммунал хизмат кўрсатиш сифатини ошириш билан боғлиқ масалалар бор.

Биз аҳолини ўйлантираётган муаммоларга тегишли ташкилотларнинг эътиборини қаратишга, уларнинг масъулиятини кучайтиришга ҳаракат қилаяпмиз. Бюджет маблағларининг мақсадли ва тўғри сарфланиши бўйича ҳам назорат олиб борилаяпти. Мисол учун, ўтган йили «Бешкапа», Нодирабегим, Феруза номли маҳаллаларда яшовчи аҳолидан кўча ёритгичлари йўқлиги ҳақида мурожаат бўлган. Муттасадди ташкилотлар томонидан кўчаларга 50 та лампа ўрнатилган, деган маълумот берилган. Аммо масалани яқиндан ўрганганимизда, лампалар кўчалардаги белгиланган жойларга ўрнатилмасдан ўзлаштириб юборилгани маълум бўлди. Партия томонидан олиб борилган таъсирчан жамоатчилик назорати натижасида бу масала ҳам ижобий ҳал этилди.

Тажриба шуни кўрсатадики, амалий ишлар, жамоатчилик ва депутатлик назорати пар­тия­миз электорати манфаатини ҳимоя қилишда муҳим аҳа­ми­я­т­га эга. Демак, бугун партия­нинг маҳаллий ташкилотлари, депутатлик гуруҳлари ҳудудларни ижтимоий-иқтисодий ривожлантириш, аҳолига муносиб турмуш шароитини яратиб бериш борасида ана шундай назоратни изчил йўлга қўйиши зарур. Бу эса партиянинг жамиятдаги мав­қеини мустаҳкамлаб, электоратнинг ижтимоий ҳимоясини кучайтиришга хизмат қилади.

Самариддин АЪЛАМОВ,

ЎзХДП Мирзо Улуғбек туман кенгаши раиси.


Фикр ва мулохазалар

Защита от автоматических сообщений

Сўнгги янгиликлар: