Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
23.08.2014

КЎНГИЛЛАРДА БАЙРАМ ШУКУҲИ

Бугун шаҳар-у қишлоқларимиз кундан-кунга чирой очиб бораяпти. Юртимизнинг қай бир гўшасига боқманг, қайси соҳага назар ташламанг, каттадан-катта ўзгариш ва янгиланишларнинг гувоҳи бўлиб, истиқлолнинг ҳаётбахш нафасини янада теранроқ ҳис қиласиз.

ЎзХДП Гурлан туман кенгаши Алишер Навоий номидаги маданият ва истироҳат боғида ташкил этган маънавий-маърифий байрам тадбирида ҳам шу ҳақда сўз юритилди. Унда партия фаоллари, халқ депутатлари туман Кенгаши депутатлари, электорат вакиллари ҳамда ёшлар иштирок этди.

— Мамлакатимиздаги бунёдкорлик ва ободлик, аҳоли турмуш фаровонлигининг муттасил юксалиб бораётгани, аввало, Истиқлол шарофатидандир, — деди туман партия кенгаши раиси Ўғилжон Оллаберганова. — Шунинг учун бу байрамни катта қувонч ва ҳаяжон билан кутиб олиш анъанага айланган.

Байрам тадбирида сўзга чиққан ёшлар Мустақиллик берган имкониятлардан фойдаланиб, чуқур билим олаётгани, ўзлари хоҳлаган касбни эгаллаётганлари ҳақида тўхталиб, юртимизнинг эртаси бугунидан саодатли бўлиши учун фидойи бўлиб меҳнат қилишга бурчли эканликларини таъкидлашди.

Тадбир куй-қўшиқлар билан давом этиб, барчага кўтаринки кайфият бахш этди.

Санобар БЕРДИЕВА

 

* * *

ЎзХДП Сергели туман кенгаши ташаббуси билан «Оқибат» маҳалласида «Мустақиллик — турмуш барқарорлиги, юрт ободлиги, халқимиз бахту саодатининг кафолатидир» мавзусида тадбир ўтказилди.

— Истиқлол, аввало, мамлакатимизда изчил амалга оширилаётган тарихий ислоҳотларга кенг йўл очди, — деди туман партия кенгаши раиси Шоира Хўжаева. — Бундан мақсад очиқ фуқаролик жамияти барпо этиш, ривожланган демократик мамлакатлар сафидан муносиб ўрин олиш, халқимиз турмуш фаровонлигини таъминлашдан иборат. Бу эзгу ғоялар ўз-ўзидан амалга ошмайди, албатта. Бунинг учун ҳар биримиз мустақилликнинг қадрига етиб, уни мустаҳкамлаш йўлида фидойи бўлишимиз талаб этилади.

— Мустақиллик шарофати билан халқимиз ўзлигини англади, қадр-қимматини яна қайта топди, — деди «Оқибат» маҳалла фуқаролар йиғини раиси Ҳаким Каримов. — Бугун одамларимиз ўз иродаси, ақл-идрок ва салоҳияти билан баланд марраларни забт этаяпти. Маҳалламизда 8 мингдан ортиқ аҳоли яшайди. Кишиларимизнинг ҳаётга, меҳнатга муносабати бутунлай ўзгарди. Оилавий тадбиркорлик, касаначилик кенг қулоч ёймоқда. Умуман олганда, халқимизнинг турмуш фаровонлиги юксалиб, оилалар даромади ошиб бораяпти, одамларимизда Ватан тақдирига дахлдорлик туйғуси тобора мустаҳкамланмоқда.

Тадбирда, шунингдек, мамлакатимизда демократик ислоҳотларни чуқурлаштириш ва фуқаролик жамиятини ривожлантириш йўлида чуқур ислоҳотлар олиб борилаётгани, бу эса ўз навбатида сиёсий партияларнинг жамиятдаги ўрни мустаҳкамланишига хизмат қилаётгани ҳақида ҳам фикр-мулоҳазалар билдирилди.

ЎзХДП Тошкент шаҳар кенгаши

Матбуот хизмати.



DB query error.
Please try later.