Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
21.08.2014

ТАЪСИРЧАН ТАРҒИБОТ

самараси катта бўлади

Сиёсий партия Дастури ва Сайловолди платформасида белгиланган вазифалар ижросини таъминлаш, электорат манфаатларини муносиб ҳимоя қилиш, хайрихоҳлар сафини кенгайтиришда тарғибот-ташвиқот ишлари муҳим аҳамиятга эга.

ЎзХДП тизимида бу йўналишга алоҳида эътибор қаратилмоқда. Ҳусусан, Наманган вилоят пар­тия кенгаши тарғиботчилар гуруҳи фаолиятини изчил йўлга қўйгани натижасида ташкил этилаётган тарғибот тадбирлари сон ва сифат жиҳатдан юқори босқичга кўтарилмоқда.

Тадбирларнинг таъсирчанлигини оширишда сиёсий ва фуқаролик маърифати тизими алоҳида ўрин тутаётир. Сиёсий ўқувларда ижтимоий-иқтисодий ҳаётимизнинг муҳим устувор йўналишлари чуқур ўрганилмоқда. Бундан ташқари, мамлакатимиз ҳамда вилоят ҳаётидаги долзарб воқеаларга бағишланган махсус машғулотлар ўтказилмоқда.

Бугун одамлар узундан-узун, умумий фикрлардан иборат маърузаларга муҳтож эмас. У кўтарилаётган масала юзасидан маърузачидан кўра кўпроқ маълумотга эга бўлиши мумкин. Чунки ахборот технологиялари ҳаётимизга тобора чуқурроқ кириб келаётган даврда яшаяпмиз. Шу боис тарғиботчилар кўпроқ таҳлил, ҳаё­тий мисоллар, одамлар қалбига кириб борадиган йўллардан фойдаланиши зарур. Акс ҳолда уни талабчан аудитория қабул қилмайди.

Биз вилоят, туман ва шаҳар партия кенгашлари тарғиботчилар гуруҳлари фаолиятини доимий таҳлил этиб борамиз. Бугунги кунда вилоят бўйича тарғиботчилар сони 351 нафарни ташкил этади. Уларнинг 11 нафари ҳуқуқшунос, 32 нафари иқтисодчи, 154 нафари ўқитувчи, 8 нафари журналист, 30 нафари тиббиёт ходими, 116 нафари эса бошқа соҳа вакиллари ҳисобланади. Уларнинг 300 нафари олий маълумотлидир.

Тарғибот ишида ЎзХДП Марказий Кенгаши томонидан ҳар ойда ўтказиладиган семинарларда муҳокама этиладиган мавзулар бўйича партия кенгашларига юборилаётган ахборот-таҳлилий ва услубий қўлланмалардан самарали фойдаланилмоқда.

Тарғиботчилар гуруҳи аъзолари 2014 йилнинг 5 ойи давомида 352 тадбирда қатнашди. Хусусан, ­оммавий-сиёсий тадбирлар доирасида 107, сиёсий фуқаролик маърифати тизимида 129, байрамлар муносабати билан ва бошқа пар­тия­вий тадбирларда эса 116 марта чиқиш қилишди.

Тарғибот тадбирларини ноанъанавий, янгича усулларга таянган ҳолда ўтказишга алоҳида эътибор қаратилмоқда. Хусусан, тақдимот слайдлари, кўргазмали воситалардан фойдаланиш, маърузадан воз кечилиб, қатнашчилар билан жонли мулоқотга киришиш тадбирлар таъсирчанлигини ошир­моқда.

Бугун сиёсий партиялар муҳим жараён олдида турибди. Ғоя ва мақсадларимизни жамоатчиликка тушунарли ва таъсирчан тарзда етказиш тобора долзарб аҳамият касб этиб бораяпти. Шундай экан, партия кенгашлари тарғибот масаласига ҳар доимгидан-да жиддий эътибор қаратиши талаб этилади.

Эргашали АБДУЛЛАЕВ,

ЎзХДП Наманган вилоят кенгаши раиси ўринбосари.


Фикр ва мулохазалар

Защита от автоматических сообщений

Сўнгги янгиликлар: