Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
26.07.2014

«МЕНИНГ ОВОЗИМ — МЕНИНГ ТАҚДИРИМ»

«Истиқбол» ёшлар қаноти Cамарқанд вилоят бўлими Пахтачи туманида шу мавзуда семинар-тренинг ўтказди. Унда ЎзХДП Самарқанд вилоят кенгаши масъул ходимлари, бошланғич партия ташкилотлари раислари, халқ депутатлари туман Кенгаши депутатлари, «Ёш сиёсатчилар» клубининг 200 нафарга яқин аъзоси, «Маҳалла» хайрия жамоат фонди ва «Камолот» ЁИҲ фаоллари иштирок этди.

Семинарда бугунги кунда сиёсий партияларнинг сайлов жараёнларида эркин, фаол иштирок этиши, сайлов ҳуқуқлари тўлиқ амалга оширилишини мус­таҳкам кафолатлайдиган ташкилий-ҳуқуқий, моддий-техник шароитлар яратилгани, бу эса ўз нав­батида сиёсий партиялардан янада фаолликни талаб этиши таъкидланди.

— Сайлов ҳуқуқи фуқароларнинг бутун дунёда эътироф этилган энг муҳим конс­титуциявий ҳуқуқ­ларидан биридир, — деди халқ депутатлари Пахтачи туман Кенгаши депутати Камол Бердиёров. — Бўлажак сайловларнинг сиё­сий аҳа­мияти шундаки, улар мамлакатимиз ижтимоий-сиёсий ҳаётидаги фаол демократик янгиланиш ва модернизациялаш шароитида ўтказилади. Сайлов ҳуқу­қини ҳеч қандай тўсиқсиз амалга ошириш фуқароларнинг давлат бошқарувидаги иштирокининг энг муҳим кафолатларидан биридир. Қонунларда белгиланган ҳуқуқ­лардан самарали фойдаланиш учун, аввало, улардан яхши хабардор бўлиш керак, албатта.

— Туманимиз аҳолисининг 21 мингга яқинини 18-30 ёшли йигит-қизлар ташкил этади, — деди Ўзбекистон ХДП туман кенгаши раиси Исмат Санаев. — Ёшларимиз эртанги кунимизни ақл-заковати, интеллектуал салоҳияти билан барпо этади. Ижтимоий-сиё­сий жараёнларда, демократик ислоҳотларни янада чуқурлаштиришда ёшларимизнинг ўрни жуда муҳим. Шу боис ҳам ўтказилаётган тадбирларда уларнинг сиёсий-ҳуқуқий билимларини оширишга хизмат қиладиган мавзуларга алоҳида эътибор қаратаяпмиз.

Шунингдек, сўзга чиққанлар партия аъзолари ва электорат орасида Конституциямизга киритилган ўз­гартиш ва қўшимчаларнинг мазмун-моҳияти, сайлов тизимини янада демократлаштиришдаги аҳамияти тўғрисида тарғибот ишларини кучайтиришга оид тавсиялар билдиришди.

 

Ойтула АБДУРАИМОВА,

«Истиқбол» ёшлар қаноти

Самарқанд вилоят бўлими етакчиси.



DB query error.
Please try later.