Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
26.07.2014

ОГОҲЛИК БОР ЖОЙДА — ТИНЧЛИК БАРҚАРОР

Ҳар қандай моддий бойлик яратилгани ҳамоноқ биринчи навбатда уни қўриқлаш ва жиноий тажовузлардан ҳимоя қилиш масаласи юзага келади. Шу муносабат билан давлат мулки, аҳоли турар-жойлари, мол-мулкининг дахлсизлиги ва хавфсизлигини таъминлаш мақсадида ички ишлар органлари ҳузурида қўриқлаш хизмати ташкил қилинган. Ушбу хизмат фаолияти самарадорлигини ошириш борасида бир қатор ўзгаришлар амалга оширилди.

Вазирлар Маҳкамасининг 2014 йил 24 январдаги «Ўзбекистон Республикасида қўриқлаш фаолиятини тартибга солиш бўйича чора-тадбирлар тўғрисида»ги қарори билан юртимизда фаолият юритаётган хусусий нодавлат қўриқлаш ташкилотлари фаолиятига чек қўйилиши ички ишлар органлари ҳузуридаги қўриқлаш бўлинмалари зиммасига катта масъулият юклади.

Республика қўриқлаш бў­линмалари томонидан объект­ларни қўриқлаш ва хавфсизлигини таъминлаш борасида нарядлар фаолиятини ташкил этиш ва назорат қилиш, турли кўринишдаги ҳуқуқбузарликлар ҳамда фавқулодда вазиятлар содир этилишининг олдини олишга қаратилган қатор ишлар амалга оширилиб келинмоқда.

Хусусан, жорий йил бошидан буён 1800 та объект янгитдан қўриққа олинди. Ҳозирги кунда қўриқлаш бўлинмалари томонидан турли вазирлик, ташкилотлар ва бошқа хусусий юридик шахсларга тегишли 19000 дан ортиқ объект­нинг хавфсизлиги таъминланяпти.

Тегишли хизмат ходимлари билан ҳамкорликда ўтказилган тадбирлар давомида 1223 та жиноятнинг олди олинди. 1387 нафар шахс жиноят содир этишда гумондор сифатида ушланиб, ҳудудий ички ишлар идоралари нав­батчилик қисмларига келтирилди. Ушбу шахсларга нисбатан тергов идоралари томонидан 1208 та жиноий иш қўзғатилди.

Жумладан, Тошкент шаҳар М.Улуғбек туманидаги Қорасув-1 даҳасида жойлашган «Нав­рўз» кафеси олдида О.Алиқулов фуқаро Е.Юсуповга тегишли 200000 сўмлик «Нокия» ва 400000 сўмлик бўлган «Самсунг» русумли уяли телефон аппаратларини тортиб олиб, воқеа жойидан яширинишга уринган. Тошкент шаҳар ИИББ ҳузуридаги қўриқлаш бошқармасининг 4-алоҳида милиция батальони ходимлари томонидан у ўз вақтида ашёвий далил билан ушланди. Мазкур ҳолат юзасидан Ўзбекистон Республикаси Жиноят кодексининг 166-моддасига кўра, жиноят иши қўзғатилди.

Бахтиёр Ҳусанов Ҳамза тумани Авиасозлар даҳаси,
1-мавзе, 5-уй, 3-хонадоннинг дераза ойнасини синдириб ичкарига кирган. Воқеа жо­йига ўз вақтида етиб келган туман ИИБ қўриқлаш бўлими ходимлари ўғрини жиноят устида ушлашди.

Яратилган моддий неъматларни асраш-авайлаш, уни турли тажовузлардан ҳимоялаш бизнинг бурчимиз ҳисобланади. Бу борада ўзаро ҳамкорлик ва аҳолининг огоҳлиги муҳим аҳамиятга эга. Дарҳақиқат, огоҳлик бор жойда тинч­лик бор, хавфсизлик бар­қарор.

 

Фахриддин РАДЖАПОВ,

ИИВ ҳузуридаги «Қўриқлаш» бирлашмаси бошлиғи

ўринбосари, подполковник.



DB query error.
Please try later.