Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
19.07.2014

«ДЕПУТАТЛИК НАЗОРАТИ ВА ҲУҚУҚНИ ҚЎЛЛАШ АМАЛИЁТИНИ ТАКОМИЛЛАШТИРИШ»

Термиз шаҳрида ЎзХДП Марказий Кенгаши масъул ходимлари, Олий Мажлис Қонунчилик палатасидаги партия фракцияси аъзолари, Сурхондарё вилоят партия кенгаши фаоллари, халқ депутатлари вилоят, туман ва шаҳар Кенгашлари депутатлари иштирокида шу мавзуда семинар-тренинг ўтказилди. Тадбирда вилоятдаги ислоҳотларни янада чуқурлаштириш ҳамда самарадорлигини ошириш бўйича таъсирчан депутатлик ва жамоатчилик назоратини ташкил этиш масалалари атрофлича муҳокама қилинди.

Қайд этилдики, давлат ҳокимияти ва бошқаруви органлари устидан таъсирчан парламент ва жамоатчилик назоратини ўрнатиш, партиянинг 2011-2014 йилларга мўл­жалланган Ҳаракат дастурида белгиланган устувор вазифаларни бажаришда халқ депутатлари маҳаллий Кенгашларидаги пар­тия гуруҳлари салоҳиятидан унумли фойдаланиш зарур. Чунки депутат ўзи сайланган ҳу­дуднинг ижтимоий-иқтисодий ҳолатини яхши билади.

— Партия ташкилотлари ҳамда гуруҳлари фаоллиги ошса, аввало, электорат манфаатларини ҳимоя қи­лиш имкони кенгаяди, айни чоғда аҳолининг партияга ишон­чи ортади, — деди Сурхондарё вилоят пар­тия кенгаши раиси, халқ депутатлари вилоят Кенгаши депутати Чори ­Жумақулов.

Жорий йилнинг ўтган даврида бу борада қатор ишлар амалга оширилди. Хусусан, Ҳаракат дастурига асосан 3 та масала партия гуруҳи, 2 та масала доимий комиссия ҳамда 3 та масала сессияда кўриб чиқилди. Вилоят, туман ва шаҳар Кенгашларидаги 218 нафар депутат томонидан тегишли ташкилотларга 79 депутатлик сўрови юборилди. Жамоатчилик қабулхоналарига 181 мурожаат тушган бўлиб, уларнинг аксарияти ижобий ҳал этилди. Аммо биз бу билан чекланиб қолмай, аҳолини ўйлантираётган масалаларни янада чуқурроқ ўрганишимиз, уларни  ҳал этишга ҳаракат қилишимиз керак бўлади.

— «Соғлом бола йили» Давлат дастури ижроси юзасидан жойларда бўлиб, партия ташкилотлари ва маҳаллий Кенгашлардаги партия гуруҳлари фаолияти билан яқиндан танишдик, — деди ЎзХДП Марказий Кенгаши бўлим мудири Боймурод ­Юсупов. — Айниқса, Сариосиё туман партия кенгаши олиб бораётган ишлар эътиборга сазовор. Аммо айрим туман партия кенгашлари ва депутатлар фаолиятини кучайтириш талаб этилади. Чунки шундай ҳудудлар борки, электоратни ўйлантираётган муаммолар ўз ҳолига ташлаб қўйилган. Бу ҳудудларда аҳолини қийнаётган масалаларни сессияларга киритиш долзарблигича қолмоқда. Фаоллар ва депутатлар бу камчиликларга алоҳида эътибор қаратиб, ечим топишга ҳаракат қилиши зарур.

— Минтақаларни ижтимоий-иқтисодий ривожлантиришдаги вазифаларни ҳал этиш, халқ депутатлари маҳаллий Кенгашларидаги депутатларнинг назорат функцияларини мустаҳкамлаш, партия гуруҳларининг таъсирини оширишда мазкур йўналишдаги семинар-тренинг ўтказилиши айни муддао бўлди, — деди Термиз туман партия кенгаши раиси ­Тўрабек Зоиров. — Унда эришилган ютуқлар қаторида йўл қўйилган камчиликлар ҳам рўй-рост айтилаётгани партия ташкилотлари ва гуруҳларининг масъулия­тини янада оширмоқда. Тўғри, амалий ишларимиз жуда кўп, лекин камчиликлар ҳам етарли. Уларни бартараф этиш учун партия кенгаши ва депутат ўртасида мустаҳкам ҳамкорлик бўлиши керак, деб ўйлайман. Партия ташкилоти ва депутат ҳамжиҳатликда ишласа, олдимизда турган вазифалар самарали бажарилади.

Семинар сўнгида партия дастурида кўзда тутилган ижтимоий аҳамиятга эга вазифаларни ҳаётга татбиқ этишга оид таклифлар ишлаб чиқилди.

Абдумалик ҲАЙДАРОВ,

«Ўзбекистон овози» мухбири.



DB query error.
Please try later.