Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
05.07.2014

ФАОЛ ВА ТАШАББУСКОР АЪЗОЛАР

қуйи бўғин фаолияти таъсирчанлигини таъминламоқда

Сиёсий партиянинг кучи, тарғибот ишларининг ­таъсири бошланғич ­ташкилотлар фаолияти билан чамбарчас боғлиқ. Улар қанча мустаҳкам, ташаббускор бўлса, партия ҳам шунча мустаҳкам бўлади, ғояларини қўллаб-қувватловчилар сафи кенгайиб бораверади.

Умуман, партия ғояларини кенг тарғиб қилиш, электорат манфаатини ҳимоялаш, сиёсий-ҳуқуқий фаоллигини оширишда қуйи бўғиннинг алоҳида ўрни бор.

Сурхондарё вилоят ўлкашунослик музейидаги ЎзХДП бошланғич ташкилоти фаолияти билан танишар эканмиз, бу фикр­ларнинг нечоғлик ҳақиқат эканлигига яна бир бор ишонч ҳосил қилдик.

— Жамоамизда 32 нафар ходим меҳнат қилади, — дей­ди музей директори, бошланғич партия ташкилоти етакчиси Шерзод Даминов. — Яқинда сиёсий жараёнларга бефарқ бўлмаган ходимларимиздан яна 18 нафари партиямиз сафига қабул қилинди. Кўппартиявийлик шароитида кишиларни сиёсий партиялар фаолиятига қизиқтириш, жалб қилиш учун, аввало, партия ғоялари тарғиботи, энг муҳими, унинг оддий одамлар ҳаётидаги ўрнини уларга тўғри тушунтириш лозим. Агар партия ғоялари маъқул бўлса, улар ҳаё­тийлигига ишонсагина, пар­тия сафига кириш истаги билдирилади.

— Халқ демократик пар­тиясига аъзо бўлишдан олдин унинг Дастурини қай­та-қайта ўқиб чиқдим, — дейди музей илмий ходими Олим Тошпўлатов. — Менга партиянинг ижтимоий ҳимояга эҳтиёжманд кишилар манфаатидан келиб чиқиб, илгари сурган инсон­парвар ғоялари, аҳолини иш билан банд этиш борасидаги ташаббуслари маъқул бўлди. Агар ҳаётда маъ­лум бир қийинчиликларга учраган, ўз йўлини топишда ёрдамга муҳтож бўлган кишилар мақсадли қўллаб-қувватланса, уларнинг ҳаё­ти фаровонлигига катта замин яратилади. Бундай ғоя­ларни фақат қўллаб-қувватлаш ва уларни амалга оширишда иштирок этиш керак, деб ҳисоблайман.

— Партия сафида бўлиш кишининг сиёсий жараёнларда иштирок этиш имконини кенгайтиради, воқеа-ҳодисаларга нисбатан ўз позициясини ривожлан­тиришга хизмат қилади, — дей­ди яна бир суҳбатдошимиз Озодмурод Бердиев. — Мустақил фикр­ли киши эса ёт ғояларга эргашмайди. Партия фаолия­тида иштирок этишнинг шун­дай жиҳатларини ўйлаб, ЎзХДП са­фига киришга қа­рор қилдим.

ЎзХДП сафига янги қўшил­ган ёшлар шундай фикр-мулоҳазаларни билдиришди. Улар БПТда ўтказилаёт­ган сиёсий партиялар ва партиявий тизимлар, кўп­партиявийлик ҳамда унинг мамлакат тараққиётидаги ўрни каби мавзулардаги давра суҳбатлари, ўқув семинарларига қизиқиш билан қатнашмоқда. Бошланғич партия ташкилоти раиси Шерзод Давлатовнинг таъкидлашича, айни пайтда ёш аъзоларнинг энг фаол, ташаббускор, етакчилик қо­билияти борларини келгусида пар­тия ташкилотларида ишлайдиган кадрлар, етакчи­лар, депутатликка номзодлар сифатида шакл­лантириб боришга алоҳида эътибор қаратилмоқда.

Аъзолар фаоллигининг ортиши эса бошланғич таш­килотнинг нуфузи ва таъсир кучини оширишга хизмат қилади.

Абди ҚОДИРОВ,

«Ўзбекистон овози» мухбири.



DB query error.
Please try later.