Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
28.06.2014

ЯХШИ ТАШАББУС

ҳар доим қўллаб-қувватланади

«Қизим, сизга ишондик, маҳалла раислигига сайладик, югуряпсиз, еляпсиз, кўриб турибмиз. Бироқ йўлларимизнинг аҳволини қаранг. Уларни тузатиш керак. Одамларнинг бошини қовуштиринг, ҳеч ким қараб турмайди».

«Биркунли» қишлоғидан келган кексаларнинг фикрида жон бор эди. Тоғ­олди қишлоқлари йўлларидан ёғин-сочин кунларда юриш қийин. Айниқса, ўқувчи болалар қийналишаяпти. Нима қилиш керак?

Асли касби иқтисодчи бўлган Озода Холиқова хомчўт қилиб чиқди. 5 қишлоқда етилиб турган масалалар кўп экан. Шу ҳудуддан сайланган туман Кенгаши депутатлари билан маслаҳатлашди. Оқсоқоллар «иш бошланса, ҳеч ким қараб турмайди», дейишди. Тоғлик ҳудуддаги «Биркунли» қишлоғидаги йўлнинг ўйдим-чуқур жойларини тош тўкиб созлашди. Ҳашарга ҳамма чиқди. Олдинги йили сел келиб, Янги­обод қишлоғидаги кўприкни ювиб кетди. Қатнов оғирлашди. 2 ўрта мактаб, Иқтисодиёт коллежига қатнаётган ўқув­чиларга анча қийин бўлди. Яна кенгашишди. Кўпдан кўп маслаҳат, кўмак чиқади. Юсуф Алиқулов 10 миллион сўмлик қурилиш ашёлари етказиб берди. Сарой қишлоғининг 1,5 километр йўлини таъмирлашни келгуси режага киритиб қўйишди...

Ҳа, Китоб туманидаги «Сарой» маҳалла фуқаролар йиғини раиси, ҳу­дудий партия ташкилоти етакчиси Озода Холиқова бошчилигида ҳудудда шу каби кўплаб эзгу ишлар қилинмоқда. Яқинда бу ерда бўлиб ўтган ЎзХДП бошланғич ташкилотининг умумий йиғилишида буларнинг барчаси таҳлил этилди. Ҳудудни ривожлантириш борасида фикрлар билдирилди.

Бу ерда бир йил ичида ХДП аъзолари сони ортиб, 35 нафарга етди.

— Мен бу иш маҳалла раисиники, бу иш партия етакчисиники, деб ажратмайман, — дейди Озода Холиқова. — Партиямизнинг Сайловолди дастурида ижтимоий ҳимоя, ёшлар тарбияси, иш ўринлари яратиш ва бошқа қатор вазифалар қўйилган. Аввало, партия аъзолари, фаолларимиз билан келишиб, иш режаси, дастурлар тузиб олганмиз. Ёрдамга муҳтож оилаларга кўмак берилаяпти. Моддий ёрдам адолатли тақсимланмоқда. Учта қишлоқда спорт майдончаси бор, янги стадион учун ер ажратилган. Фарзандларимиз қандай ўқимоқда, нимага интилмоқда, доим хабардор бўлишимиз лозим. Одамларимиз аҳил, турмушидан рози. Юртимизда кечаётган ўзгаришлардан, янгиланишлардан хабардор. «Соғлом бола йили» Давлат дастури ижроси юзасидан бир қатор ишлар амалга оширилмоқда. Бу борада халқ депутатлари туман Кенгашидаги ЎзХДП гуруҳи аъзоси, туман кўп тармоқли поликлиникаси бош шифокори Муҳаммади Аминовнинг хизматлари катта бўлмоқда.

— Мен ЎзХДПга хайрихоҳман, — деди сўзга чиққан Иқтисодиёт коллежи директори ўолибжон Ҳошимов. — Нега? Чунки шу партия аъзоси, МФЙ раиси Озода Холиқованинг ибратли ишларга бош қўшаётгани, ХДП фаоллари унга елкадош бўлаётганини кўриб, билиб турибмиз. Тоғолди қишлоқларда яшаш осон эмас. Аҳолини ўйлантираётган масалалар бор. Озода Холиқованинг ташкилотчилиги туфайли улар ҳал қилинаяпти. Шунинг учун ҳам ЎзХДПнинг хайрихоҳлари кўп.

— Мен Тошкент давлат шарқшунослик институтида таҳсил олиб, қишлоғим­га қайтдим, — дейди Ўлмас Зарипов. — Ҳозир коллежда маънавият асослари фанидан сабоқ бераяпман. Мендан баъзан нега ЎзХДПга аъзо бўлганимни сўрашади. Мен уларга шу партия ғоялари сиёсий қарашларим, мақсадимга муштарак, деб жавоб бераман. Бугун бошланғич ташкилот йиғилишида иштирок этиб, кўп масалаларга ойдинлик киритиб олдим.

Йиғилишда ЎзХДП Китоб туман кенгаши раиси, халқ депутатлари туман Кенгашидаги партия гуруҳи раҳбари Санжар Қурбонов, ЎзХДП Қашқадарё вилоят Кенгаши бўлим бошлиғи Ўктам Қурбонов БПТ фаолиятини жонлантириш, сайловларга тайёргарлик кўриш ҳақида фикр-мулоҳаза билдиришди.

Бошланғич ташкилотнинг умумий йиғилишида туман партия ташкилоти кон­ференциясига делегат сайланди.

Юнус УЗОҚОВ,

«Ўзбекистон овози» мухбири.



DB query error.
Please try later.