Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
22.05.2014

СОҒЛОМ БОЛА — СОҒЛОМ ВА ТОТУВ ОИЛА МЕВАСИ

«Соғлом бола йили» Давлат дастурида белгиланган вазифаларнинг самарали ижро этилиши оилаларни янада мустаҳкамлашдек эзгу мақсадга хизмат қилмоқда.

Бу жараёнда ЎзХДП ўз мафкураси ва дастурий мақсадларидан келиб чиққан ҳолда оилавий тадбиркорлик ва касаначиликни ривожлантириш орқали хотин-қизлар ва ёшлар бандлигини таъминлаш, оилаларнинг ижтимоий ҳимоясини янада кучайтиришга алоҳида эътибор қаратмоқда.

ЎзХДП «Фаол аёллар» ва «Истиқбол» ёшлар қанотлари Тошкент вилоят бўлимлари ташаббуси билан Ўрта Чирчиқ туман ФҲДЁ бўлими мажлислар залида «Соғлом бола соғлом оилада камол топади» лойиҳаси доирасида ташкил этилган «Соғлом бола — соғлом ва тотув оила меваси» деб номланган давра суҳбатида шу масалалар хусусида фикр алмашилди.

Унда ЎзХДП Тошкент вилоят, Ўрта Чирчиқ туман кенгашлари фаоллари, халқ депутатлари туман Кенгаши депутатлари, фуқаролик ҳолати далолатномаларини ёзиш идораси, Саломатлик маркази, ёш оилалар вакиллари қатнашди.

Сўзга чиққанлар фарзандларимиз соғлом ҳамда баркамол бўлиб улғайишида маҳалла ва оила ҳамкорлиги, тиббий маданиятнинг ўрни масалаларида фикр-мулоҳаза билдиришди.

Доно РИХСИЕВА,

ЎзХДП Тошкент вилоят кенгаши Хотин-қизларнинг ижтимоий-сиёсий фаоллигини ошириш сектори мудири:

— Соғлом бола йилида она ва бола саломатлигини мустаҳкамлаш, оилаларда тиббий маданиятни юксалтиришга қаратилган қатор лойиҳаларни амалга оширяпмиз.

«Соғлом бола — соғлом оилада камол топади» лойиҳаси доирасида ўтказилаётган тадбирлар ҳам айнан шу мақсадга хизмат қиляпти. Соғлом фарзанд туғилиши, унинг тарбиясини тўғри йўлга қўйиш бир қанча омилларга боғлиқ. Шу сабабли биз, аввало, ёш оилалар, турмуш қуриш остонасида турган йигит-қизлар, ота-оналар ўртасида тарғибот-ташвиқот ишларини кучайтиришга ҳаракат қиляпмиз.

Сайёра АЛИМҚУЛОВА,

Ўрта Чирчиқ туман ФҲДЁ бўлими мудири:

— Оила мустаҳкамлиги, тинч-тотувлиги ота-онанинг маънавий етуклигига боғлиқ. Шу боис ёшларимиз онгига ҳаётга, оилага нисбатан соғлом қарашларни ривожлантиришимиз керак. Туманда оила қуриш арафасидаги ёшлар билан айнан шу масалаларда кўплаб учрашувлар ташкил этилмоқда.

Айтиш керакки, оила ҳар жиҳатдан мустаҳкам бўлиши учун никоҳнинг қонуний қайд этилиши ўта муҳим аҳамиятга эга. Лекин айрим ҳолларда бунга жиддий эътибор қаратмайдиган ёшлар ҳам учраб турибди. Табиийки, бунда тўйдан олдин ўтказилиши керак бўлган тиббий кўрик ҳам муҳим ўрин тутади.

Марҳамат ТОШМАТОВА,

«Маҳалла» хайрия жамоат фонди туман бўлими раҳбари, ЎзХДП туман кенгаши раиси ўринбосари:

— Қадимдан бола тарбиясида маҳалла мактаби мавжуд бўлган. Ёшлар онгига салбий таъсир кўрсатадиган ахборотлар оқимлари кўпайган, «оммавий маданият» сингари салбий иллатлар авж олган бугунги кунда маҳалла фаоллари, тегишли идоралар, жамоат ташкилотлари ўзаро ҳамкорликда оилаларга кириб бориши, ҳар бир хонадоннинг ички муҳити билан танишиши, уларнинг ютуқлари, ўйлантираётган масалаларини чуқур билиши керак.

Жамила ЎРИНБОЕВА,

«Намуна» маҳалла фуқаролар йиғини раиси:

— Ҳар биримиз маҳалламизда яшаётган бир нафар ёшга тўғри йўл кўрсатсак, жамиятнинг фаол аъзосига айлантиролсак, жуда катта натижага эришган бўламиз.

Маҳалламизда 550 оила истиқомат қилади. 3425 нафар аҳолининг катта қисмини ёшлар ташкил этади. Биз уларга маҳалладаги намунали оилалар ҳаётини ўрнак сифатида кўрсатамиз. Оила қуриш остонасида турган йигит-қизларни улардан ибрат олишга ундаймиз.

Нилуфар ИЛҲОМБОЕВА,

Туман саломатлик маркази раҳбари:

— Мамлакатимизда соғлиқни сақлаш тизими тобора ривожланиб бормоқда. Давлат бюджетидан бу соҳага ажратилаётган маблағлар миқдори ҳам муттасил ошириб бориляпти. Тизимдаги бу ўзгаришларга ҳамоҳанг тарзда аҳолининг тиббий маданиятини ошириш, оилаларда соғлом турмуш тарзини тарғиб этишга ҳаракат қилишимиз зарур. Шундагина соғлом фарзанд тарбиялашга эришамиз.

Эркин фикр алмашиш руҳида ўтган тадбирда яна кўплаб масалалар юзасидан мулоҳазалар билдирилди.

Гулруҳ ОДАШБОЕВА,

«Ўзбекистон овози» мухбири.



DB query error.
Please try later.