Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
17.05.2014

ЯНГИ ТАҲРИРДАГИ ҚОНУН

акциядорлар ҳуқуқлари ҳимоясини кучайтиради ва акциядорлик жамиятлари шаффофлигини таъминлайди

Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси ва Қимматли қоғозлар бозорини мувофиқлаштириш ва ривожлантириш маркази томонидан жорий йилнинг 7 май кунидан кучга кирган «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги янги таҳрирдаги қонуннинг мақсади, мазмуни ва моҳиятини тушунтиришга бағишланган матбуот анжумани ўтказилди.

Унда соҳа мутахассислари, хўжалик бирлашмалари, акциядорлик жамиятлари ва қимматли қоғозлар бозорининг фаоллари иштирок этди.

— 1996 йил 26 апрелда қабул қилинган мазкур қонунда белгиланган нормалар жаҳон тенденцияларидан келиб чиққан ҳолда қайта кўриб чиқишни талаб этарди, — дейди Қимматли қоғозлар бозорини мувофиқлаштириш ва ривожлантириш маркази бўлим бошлиғи Бахтиёр Ҳайдаров. — Янги таҳрирдаги қонунда амалдаги қонун нормаларини аниқлаштириш, акциядорлар, хусусан, миноритар акциядорларнинг ҳуқуқий ҳимоясини кучайтириш, жамиятларнинг бошқарув ва назорат органлари аҳамиятини ошириш, уларнинг манфаатларини ҳимоялаш асосида корпоратив бошқарув тизимини ривожлантиришга алоҳида аҳамият қаратилган.

Дарҳақиқат, қонунда бир қатор янгиликлар мавжуд. Масалан, акциядорлик жамиятларини очиқ ва ёпиқ шаклларда бўлиш бекор қилинди, акциядорлик жамияти Уставида акс эттирилиши лозим бўлган мажбурий нормалар рўйхати қисқартирилди, акциялар номинал қийматининг максимал миқдори белгиланди, акциядорларнинг умумий йиғилиши кворумига нисбатан минимал талаблар камайтирилди ва ҳоказо.

Қонундаги бу каби имтиёз ва афзалликлар акциядорлик жамиятлари фаолиятини такомиллаштириш, уларнинг манфаатларини ҳимоялаш ва соҳа ходимлари меҳнатини рағбатлантириш, акциядорлик жамиятларининг ахборот шаффофлигини таъминлашда муҳим омил бўлиб хизмат қилади.

Тадбирда, шунингдек, истиқболда амалга оширилиши режалаштирилган ишлар хусусида атрофлича маълумот берилди ва журналистларнинг саволларига жавоб қайтарилди.

Тоштемир ХУДОЙҚУЛОВ,

«Ўзбекистон овози» мухбири.



DB query error.
Please try later.