Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
15.05.2014

ТИНЧЛИК ВА ТОТУВЛИК БОР ЖОЙДА

тараққиёт бўлади

Ҳар куни фарзандларимизни хотиржам ўқишга кузатамиз, боғчага олиб борамиз, ўзимиз ҳам бафуржа ишга йўл оламиз. Аслида шунинг ўзи — катта бахт. Ҳаммамиз кўриб турибмиз, дунёнинг қатор мамлакатларида нималар содир бўлаётганини. Уйидан чиқишга қўрқаётганлар озми, юрак ҳовучлаб тонг оттираётганлар-чи?.. Айрим жойларда янги оловли нуқталар пайдо бўляпти, турли инқилоблар, давлат тўнтаришлари оддий одамларга фақат кулфат келтирмоқда.

Дунёда бўлаётган бу воқеаларни кўриб туриб, юртимиздаги тинчлик, хотиржамлик учун шукрона айтасан. Одамларимиз орасидаги ҳамжиҳатлик, ўзаро меҳр-оқибат, бирдамлик тобора мустаҳкамланиб бораётганидан фахрланасан киши. Булар ҳаммаси мамлакатимизда узоқни кўзлаб олиб бори-лаётган оқилона сиёсат туфайли эканини алоҳида таъкидлаш керак. Тинчлигимиз, осойишталигимиз ўз-ўзидан бўлмаётгани, бунинг учун изчил кураш олиб борилаётганини унутмаслигимиз лозим.

Президентимиз Ислом Каримов Хотира ва қадрлаш куни муносабати билан оммавий ахборот воситалари вакилларига берган интервьюсида тинчлик, унинг аҳамияти ва зарурати ҳақида яна долзарб масалаларни илгари сурди.

Дарҳақиқат, давлатимиз раҳбари таъкидлаганидек, биз бошимиздан кечираётган замон барчамиздан огоҳ ва сезгир бўлиб яшашимизни, бугунги ва эртанги кунимизни, тинч ҳаётимизни ўзимиз асрашимизни талаб этяпти.

Дунёнинг турли минтақаларида, олис ва яқин атрофимизда бўлаётган воқеалардан тегишли хулосалар чиқариб олмоғимиз зарур.

Президентимиз бутун дунё халқлари уруш ҳеч қачон, ҳеч қандай шаклда қайтарилмаслигини орзу қилишини, уларнинг хоҳиш-иродаси шундай эканини, ён қўшнимиз бўлган Афғонистон халқи ҳам, агар ўз ҳолига қўйса, ўзаро келишиб, тинч ҳаёт кечиришини алоҳида таъкидлади. Бу фикр ўзининг чуқур ҳаётий асосларига эга.

Ким-ким, ён қўшни сифатида бошқалардан кўра биз яхшироқ биламиз, афғон халқи катта тарих, бой ўтмишга эга. Ушбу мамлакатдаги уруш, бебошлик, ўзаро низолар кўпроқ ташқи таъсирлар остида юз бермоқда. Афғонистон ижтимоий-иқтисодий жиҳатдан ривожланиш учун барча асосларга эга. Ер ости, ер усти бойликлари, мамлакатнинг географик жойлашуви ва бошқа кўплаб омиллар бунга имкон беради.

Халқимиз азалдан афғон халқи билан бир дарёдан сув ичган, доим яхши қўш-ничилик анъаналарини ривожлантириш тарафдори бўлиб келган. Ўзбекистон Афғонистондан ҳеч қачон ўз ёрдамини аямаган. Бу — бугун темир йўл қурилиши, энергетика таъминоти масалаларида намоён бўлмоқда.

Афғонистон ҳар томонлама тараққий этиши, бошқа мамлакатлар билан ўзаро ҳамкорликни йўлга қўйиши учун, аввало, бу юртда тинчлик бўлиши керак. Тинчлик бўлса, қолганини халқнинг ўзи бунёд этади, тараққиёт, юксалиш бўлади. Одамлар ҳаётга келиб ёруғ орзу-ният қилади, уларнинг ижобати учун интилади.

Тарихнинг ўзи гувоҳки, тинчликка қон тўкиш орқали эришиб бўлмайди. Давлатимиз раҳбари айтганидек, қарама-қаршиликларни, низоларни фақат сиёсий йўл билан, тинч музокаралар билан ҳал этиш лозим.

Анвар БОЙҚУЛОВ,

Олий Мажлис Қонунчилик палатаси

депутати, ЎзХДП фракцияси аъзоси.



DB query error.
Please try later.