Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
15.05.2014

ОНАЛАР ВА БОЛАЛАР САЛОМАТЛИГИ

давлат ва жамият эътиборида

Халқимиз ҳамиша фарзандларимиз соғлом, баркамол бўлсин, деб ният қилади. Улар дунёга соғлом келиб, соғлом вояга етиши эса оиладаги турмуш тарзига бевосита боғлиқ, албатта.

Шу боис мамлакатимизда оналар саломатлигини мустаҳкамлаш, аҳолининг тиббий маданиятини ошириш масалаларига тобора катта эътибор қаратиляпти.

Халқ депутатлари Бўка туман Кенгашидаги ЎзХДП гуруҳи ва Ижтимоий-маданий ривожлантириш масалалари бўйича доимий комиссиясининг «Соғлом бола йили» Давлат дастури ижросига бағишланган қўшма йиғилишида шу масала муҳокама этилди.

Унда аёллар ва болаларнинг репродуктив саломатлигини мустаҳкамлаш борасида туманда олиб борилаётган ишлар тўғрисида туман тиббиёт бирлашмаси бош шифокори Анвар Раҳматуллевнинг ахбороти эшитилди.

— Айни пайтда туманда 15 қишлоқ врачлик пункти, 1 кўп тармоқли марказий поликлиника, 90 ўринли акушерлик комплекси фаолият кўрсатади, — деди у. — Юртимизда ёш авлодни ҳар томонлама баркамол этиб вояга етказиш мақсадида бир қатор қонунлар, Президент қарор ва фармонлари қабул қилинган. Жойларда ушбу меъёрий ҳужжатлар ижросини таъминлаш мақсадида жамоатчилик ва депутатлик назорати ўрнатилаётгани бу борада барчамизнинг масъулиятимизни оширмоқда. Жорий йилнинг 3 ойи давомида 30273 нафар туғиш ёшидаги аёл тиббий кўрикдан ўтказилди. Аниқланган касалликларни даволаш ва асоратларининг олдини олиш мақсадида 3697 нафар аёл амбулатор ва стационар шароитда даволанди.

— Президентимизнинг аҳоли репродуктив саломатлигини мустаҳкамлаш бўйича қарор ва фармонлари, «Соғлом бола йили» Давлат дастурининг ўтган даврдаги ижроси ўрганиб чиқилди, — дейди халқ депутатлари Бўка туман Кенгашининг Ижтимоий-маданий ривожлантириш масалалари бўйича доимий комиссияси раиси, ЎзХДП гуруҳи аъзоси Зебо Ёдгорова. — Назорат-таҳлилдан мақсад бу борада учраётган камчиликларни аниқлаш ҳамда бартараф этиш чораларини кўришдир. Бу жамиятда соғлом фарзандлар дунёга келиши ҳамда камол топишида муҳим аҳамиятга эга бўлади.

Қўшма йиғилишда аҳолининг тиббий маданиятини ошириш, соғлом турмуш тарзини шакллантиришга қаратилган тарғибот ишларини янада кучайтириш бўйича таклифлар билдирилди, тегишли қарор қабул қилинди.

Холбек СУЛАЙМОНОВ



DB query error.
Please try later.