Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
06.05.2014

ПАРТИЯ ГУРУҲЛАРИ ТОМОНИДАН 40 ДАН ОРТИҚ МАСАЛА ЎРГАНИЛДИ

энг долзарблари сессиялар муҳокамасига киритилди

2014 йилнинг дастлабки чорагида халқ депутатлари вилоят, туман ва шаҳар Кенгашларидаги Ўзбекистон халқ демократик партияси депутатлик бирлашмалари томонидан 41 масала таҳлилий ўрганилган. Шундан 9 таси тегишли доимий комиссиялар мажлисларида, 4 таси эса сессияларда муҳокама этилган. Бу борада Андижон, Жиззах, Самарқанд ҳамда Тошкент вилоятлари халқ депутатлари Кенгашларидаги ЎзХДП гуруҳлари фаоллик кўрсатмоқда.

Партия гуруҳлари томонидан ўрганилаётган ҳар бир масала ҳудудлардаги ижтимоий-иқтисодий муаммоларни бартараф этиш, ижтимоий эҳтиёжманд аҳоли вакиллари манфаатини ҳимоя қилиш, иш ўринлари ташкил этиш билан боғлиқ долзарб масалаларни ҳал этишда муҳим аҳамиятга эга бўлмоқда.

2014 йил 12 январь куни халқ депутатлари Бухоро шаҳар Кенгашидаги ЎзХДП гуруҳи йиғилишида «Таълим тўғрисида»ги Қонун ҳамда Кадрлар тайёрлаш Миллий дастурининг мактабгача таълим муассасаларидаги ижроси тўғрисидаги масала кўриб чиқилди.

Шундан сўнг мазкур масала 25 март куни халқ депутатлари Бухоро шаҳар Кенгаши сессияси муҳокамасига киритилди. Партия гуруҳи томонидан тақдим этилган ўрганиш натижалари таҳлил этилди, йўл қўйилган камчиликларни бартараф этиш юзасидан таклифлар берилди, мутасадди раҳбарлар масъулиятини янада ошириш бўйича сессиянинг тегишли қарори қабул қилинди. Айни кунларда мазкур қарор ижроси партия гуруҳи томонидан назоратга олинган.

2014 йил 10 январь куни халқ депутатлари Арнасой туман Кенгашидаги ЎзХДП гуруҳи йиғилишида 2013 йилда иш ўринлари ташкил этиш ва аҳо-ли бандлигини таъминлаш дастурининг тумандаги ижроси, бу борада тегишли корхона ва ташкилотлар масъулиятини ошириш тўғрисидаги масала кўриб чиқилди. 30 январда эса мазкур масала халқ депутатлари туман Кенгаши сессияси кун тартибига киритилди.

Халқ депутатлари Беруний туман Кенгашидаги ЎзХДП гуруҳи йиғилишида 2013 йилда халқ депутатлари туман Кенгаши депутатлари томонидан фермер хўжаликлари фаолиятини ўрганиш бўйича амалга оширилган ишлар ва 2014 йилда жамоатчилик назоратини янада кучайтириш юзасидан навбатдаги вазифалар тўғрисидаги масала кўриб чиқилди. Партия гуруҳининг ушбуга доир ўрганишлари, мониторинг натижалари муҳокама этилди. Мазкур масала кейинчалик Аграр, сув хўжалиги масалалари бўйича доимий комиссия йиғилишида, 4 март куни эса халқ депутатлари Беруний туман Кенгашининг сессияси кун тартибига киритилди.

Таҳлиллар шуни кўрсатмоқдаки, партия гуруҳлари томонидан ўрганилаётган ҳар бир масала, аввало, электорат манфаатларини таъминлаш, жойларда учраётган ижтимоий муаммоларни ҳал этиш, ижро ҳокимияти масъулиятини оширишга қаратилган.

Демак, доимий комиссия ва сессияларга киритилаётган масалалар партия гуруҳи томонидан чуқур ўрганилиши, муаммо ечими юзасидан аниқ таклифлар илгари сурилиши, энг муҳими, қабул қилинган қарорлар ижроси таъминланишини изчил назоратга олишимиз зарур.

Улуғбек ТОШПЎЛАТОВ,

ЎзХДП Марказий Кенгаши сектор мудири.



DB query error.
Please try later.