Охирги сонда



Кўп ўқилган мақолалар



Долзарб мавзу



Мақолалар архиви

«    Yanvar 2019   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
24.04.2014

ҚОНУН ЛОЙИҲАСИ ҚЎЛЛАБ-ҚУВВАТЛАНДИ

Олий Мажлис Қонунчилик палатасидаги ЎзХДП фракциясининг кенгайтирилган йиғилиши бўлиб ўтди. Унда «Ўзбекистон Республикасининг «Қимматли қоғозлар бозори тўғрисида»ги Қонунига ўзгартиш ва қўшимчалар киритиш ҳақида»ги қонун лойиҳаси биринчи ўқишда муҳокама қилинди.

Яқинда фракция ушбу қонун лойиҳасини Олий Мажлис Қонунчилик палатаси кўриб чиқиш учун қабул қилиши мумкинлиги тўғрисида қарор қабул қилганди. Қонун лойиҳасини партиянинг дастурий мақсадлари ва электорат манфаатларидан келиб чиққан ҳолда такомиллаштириш юзасидан таклифлар тайёрлаш бўйича ишчи гуруҳ ташкил этилиб, унинг вазифалари белгилаб берилган эди.

Фракция йиғилишида ишчи гуруҳ томонидан тақдим этилган хулосалар муҳокама этилди.

Таъкидлаш лозимки, қонун лойиҳаси қимматли қоғозлар бозорининг республика молия бозоридаги ва умуман иқтисодиётдаги мавқеини янада ошириш ҳамда рақобатбардошлигини таъминлашга қаратилган.

— Қонун лойиҳасида республика фонд бозорининг замонавий ахборот технологияларига ўтишини таъминлаш, янги молиявий инструментларни жорий этиш ҳамда қимматли қоғозлар бозорини тартибга солиш бўйича энг илғор халқаро тажрибаларни татбиқ этиш назарда тутилган, — дейди ЎзХДП фракцияси аъзоси Назира Матякубова. — Шунингдек, қонуннинг қабул қилиниши қимматли қоғозлар чиқариш ва жойлаштириш, қимматли қоғозлар билан битимлар тузиш ва рўйхатга олиш, фонд бозорида профессионал фаолиятни амалга ошириш шартларини соддалаштириш имконини беради. Бу эса мамлакатимиз қимматли қоғозлар бозорининг жадал ривожланишига хизмат қилади.

— Бундан ташқари, қонун лойиҳасида қимматли қоғозларнинг янги тури — инфратузилма облигацияларини чиқариш, қимматли қоғозлар чиқаришни давлат рўйхатидан ўтказишни рад этиш асоси аниқлашти-рилмоқда, — дейди ЎзХДП фракцияси аъзоси Алишер Содиқов. — Шунингдек, унда қимматли қоғозларга доир битимларни электрон шаклда тузиш ва рўйхатга олиш тартибини белгилаш, қимматли қоғозлар айланмасини рағбатлантириш, қимматли қоғозлар бўйича битимлардан олинадиган даромад (фойда) солиғи ўрнига давлат йиғимини жорий этиш, инвесторлар зарарларини қоплаш учун кафолат фондини яратиш, инвестиция фондлари фаолиятига чекловларни белгилаш ва бошқа масалаларнинг ҳуқуқий жиҳатдан мустаҳкамланаётгани ушбу йўналишда амалга оширилаётган ислоҳотларнинг самарадорлигини таъминлашга хизмат қилади.

Фракция муҳокамаси давомидаги қизғин савол-жавоблар қонун лойиҳасида ўз ифодасини топган қатор масалаларни янада ой-динлаштириш имконини берди. Йиғилишда ушбу қонун лойиҳаси концептуал жиҳатдан қўллаб-кувватланди. Уни партия дастурий мақсадлари ҳамда электорат манфаатларидан келиб чиққан ҳолда янада такомиллаштириш юзасидан аниқ ва асосли таклифлар ишлаб чиқишни давом эттириш вазифалари белгилаб олинди.

Гулруҳ ОДАШБОЕВА,

«Ўзбекистон овози» мухбири.



DB query error.
Please try later.