Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
24.04.2014

ТАСВИРИЙ САНЪАТ ФЕСТИВАЛИ

Пойтахтимиздаги Ўзбекистон Бадиий Академиясида қатор ташкилот ва ўқув муассасалари билан ҳамкорликда анъанавий тасвирий санъат фестивали ўз фаолиятини бошлади.

Унда моҳир мусаввир ва ҳунармандлар, қўлигул усталар, санъатшунос олимлар, талаба-ёшлар ўз асарлари билан иштирок этмоқда.

Ҳар йили ўтказиб келинаётган тадбирдан кўзланган мақсад миллий санъатимизнинг бой мероси, бугунги салоҳиятини намойиш этиш, энг асосийси ижодкор ёшларни қўллаб-қувватлаш ва кенг жамоатчиликка танитишдир.

Фестиваль доирасида моҳир санъат усталарининг кўргазмалари, коллеж ўқувчилари яратган асарлар, маҳорат дарслари ва концерт дастури бўлиб ўтади. Қорақалпоғистон Республикаси ва вилоятлар рассомларининг асарлари, академик Шариф Азимовнинг шахсий кўргазмаси, озарбойжонлик меҳмон — ҳайкалтарош-рассом Ҳусейн Ахвердиевнинг шахсий кўргазмаси, «Санъат» журналининг тақдимоти шулар жумласидандир.

— Бу фестивалда илк маротаба иштирок этяпман, — дейди Республика рассомчилик коллежи 1-босқич ўқувчиси Шаҳзод Ўроқов. — Тадбир очилиши жуда чиройли ўтди. Мен ўзимнинг манзара йўналишидаги этюдим билан қатнашаяпман. Фестиваль давомида тенгдошларим билан фикр алмашдик. Устозлар маслаҳатини тингладик. Ишонаманки, бу тадбир бизнинг ижодий фаолиятимизда муҳим ўрин тутади.

Тадбир беш кун давомида марказий кўргазмалар зали ва унинг атрофидаги хиёбонда давом этади.

Умида МУХТОРБЕКОВА,

ЎзДЖТУ талабаси.



DB query error.
Please try later.