Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
10.04.2014

СЕССИЯГА МАСАЛА КИРИТИЛДИ

тегишли қарор қабул қилинди, аммо, бу ишнинг бошланиши холос

Халқ депутатлари Жиззах шаҳар Кенгашининг 2013 йил 28 сентябрь куни бўлиб ўтган сессиясида партия гуруҳи ташаббуси ҳамда шаҳар Кенгаши ­Саноат, транспорт, қурилиш, коммунал масалалар ва аҳолига хизмат кўрсатиш доимий комиссияси тавсиясига кўра, «Шаҳардаги ижтимоий объектларни ва кўп қаватли уй-жойлар аҳволини ўрганиш ва ҳудудларнинг санитария ҳолатини яхшилаш юзасидан олиб борилаётган ишлар тўғрисида»ги масала муҳокама этилиб, тегишли қарор қабул қилинган эди.

Яқинда партиямиз гуруҳи қарор ижроси юзасидан мониторинг ўтказди. Мутахассислар ҳамда партия фаоллари иштирокидаги ўрганиш натижасида айрим маҳаллалар ҳамда хусусий уй-жой ­мулкдорлари ширкатлари ишида ҳамон қатор камчиликларга йўл қўйилаётгани аниқланди. Хусусан, «Сокин жаҳон» хусусий уй-жой мулкдорлари ширкатига қарашли 108-кўп қаватли уйда бир неча йилдан буён қиш мавсумида табиий газ босими талаб даражасида эмаслиги маълум бўлди. Шунингдек, «Собиржон Собира» хусусий уй-жой мулкдорлари ширкатига қарашли 2,32,12, «Дўстлик» хусусий уй-жой мулкдорлари ширкатига қарашли 28-уйларнинг йўлакларига эшиклар ўрнатиш мутасаддиларнинг айби билан бажарилмагани аниқланди.

Депутатларимиз бу каби нуқсонлар, чала қолган ишларни Заргарлик, Тошлоқ, Қассоблик маҳаллаларидаги кўп қаватли уйлар, ижтимоий соҳа объектларида ҳам кўришди.

Мониторинг натижаларини, аввал, партия гуруҳимиз, сўнг доимий комиссия йиғилишларида кўриб чиқдик. Сессия қарори бажарилишини таъминлашда масъулиятсизлик, сусткашликка йўл қўяётган маҳалла фуқаролар йиғинлари, хусусий уй-жой мулкдорлари ширкатлари, шаҳар ободонлаштириш бошқармаси, газтаъминот корхонаси раҳбарларига нисбатан тегишли чоралар кўрилиши белгиланди.

Тажриба шуни кўрсатмоқдаки, сессияга масала киритиш, тегишли қарор қабул қилинишига эришиш билан муаммо ҳал бўлиб қолмайди. Сессия қарори ижросини таъминлаш учун эса депутатлик ваколатимиздан дадил фойдаланишимиз, назорат ишларини изчил олиб боришимиз лозим.

Эргаш ЖЎРАБОЕВ,

Халқ депутатлари Жиззах шаҳар Кенгашидаги ЎзХДП гуруҳи раҳбари.



DB query error.
Please try later.