08.04.2014

ҚОНУН ЛОЙИҲАЛАРИ ТАҲЛИЛИ ДАВОМ ЭТМОҚДА

Олий Мажлис Қонунчилик палатасида қонунлар лойиҳалари муҳокама қилинаётганда партия электорати манфаатлари ҳимояси, албатта, ҳисобга олиниши зарур. Қонунчилик палатасида биринчи ўқишда кўриб чиқилган қонун лойиҳаларини такомиллаштириш бўйича тузилган ЎзХДП фракциясининг ишчи гуруҳи таклифлар тайёрлашда ушбу масалага алоҳида эътибор қаратмоқда.

Кеча ишчи гуруҳи ўз йиғилишида «Ижтимоий шериклик тўғрисида»ги қонун лойиҳасини такомиллаштириш мақсадида тайёрланаётган таклифларни кўриб чиқиб, уларни янада меъёрига етказиш устида ишлади.

Эслатиб ўтамиз, ЎзХДП фракцияси «Ижтимоий шериклик тўғрисида»ги қонун лойиҳасини биринчи ўқишда қўллаб-қувватлаган эди. Чунки қонун лойиҳасида ижтимоий шерикликнинг асосий йўналишлари қаторида аҳолини ижтимоий ҳимоя қилиш, қўллаб-қувватлаш ва ижтимоий фаоллигини ошириш, иш билан бандлигини таъминлаш, баркамол ва соғлом авлодни вояга етказиш, оналик ва болаликни ҳимоя қилиш масалалари назарда тутилган. Бу партия дас­тури, электорат манфаатларига тўлиқ мос келади.

Фракция аъзолари мамлакатимизда фуқаролик жамиятини ривожлантиришда ижтимоий шерикликнинг аҳамияти катта эканини эътироф этмоқда. Айни пайтда, қонун лойиҳасида ижтимоий шерикликнинг ўзига хос барча хусусиятлари ва имкониятларини акс эттириш керак, деган фикрни илгари сурмоқда.

Ушбу қонуннинг қабул қилиниши, аввало, ижтимоий масалалар жойларнинг ўзида давлат ва нодавлат ташкилотлар, фуқаролар ҳамкорлигида самарали ҳал этилишига ҳуқуқий ­шароит яратиши билан ­аҳа­миятли,дейди ­ЎзХДП фракцияси аъзоси ­Назира Матякубова.Ижтимоий шериклик асосида янги иш ўринлари яратмоқчи бўлган, соғлиқни сақлаш тизими фаолиятини янада яхшилашни, умуман, турли ижтимоий фойдали тадбирларни ташкил этишни кўзлаган ташкилотлар барча имкониятга эга бўлиши лозим. Ижтимоий шериклик турли тармоқ ва ҳудудий дастурларни ишлаб чиқишда аҳоли қатламларининг манфаатлари ҳисобга олинишига хизмат қилиши, шунингдек, муҳим дастурларни амалга оширишда давлат ва жамиятнинг ҳаракатларини бирлаштиришга кўмаклашиши керак. Қо­нун­лар ва қарорлар ижроси устидан жа­­мо­ат­­чилик назоратини ўрнатишда ижтимоий шерикликнинг аҳа­мияти муҳимлигини ҳам инобатга олмоқ жоиз.

Ишчи гуруҳи қонун лойиҳаси юзасидан электорат манфаатларига қаратилган таклифларни пишиқ ва пухта ишлаб чиқиш мақсадида жойларда партия фаоллари, фуқаролик жамияти инс­титутлари вакиллари, олим ва мутахассислар иштирокида жамоатчилик муҳокамаларини ўтказиш зарур, деган хулосага келди.

Ушбу муҳокамалар чоғида билдирилган таклиф-мулоҳазалар фракциянинг умумий мажлисида кўриб чиқилади. Шу тарзда қонун лойиҳасини иккинчи ўқишга тайёрлаш бўйича фракция таклифлари шакллантирилади ва масъул қўмиталарга берилади.

(Ўз мухбиримиз)


Фикр ва мулохазалар

Защита от автоматических сообщений

Сўнгги янгиликлар: