Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
08.04.2014

МАҲСУЛОТ ИШЛАБ ЧИҚАРИШ ҲАЖМИ ОРТМОҚДА

Самарқанддаги «Стеклопластик» масъулияти чекланган жамиятида 50 турдан зиёд спорт жиҳозлари ишлаб чиқарилади. Буюртмалар, асосан, Халқ таълими вазирлиги, Ўрта махсус, касб-ҳунар таълими маркази ҳамда Болалар спортини ривожлантириш жамғармаси ҳисобига тўғри келади.

Маҳаллийлаштириш дастури асосида барпо этилган ушбу корхонада тиббиёт муассасалари учун мўлжалланган мебель ва бошқа ускуналар ҳам ишлаб чиқарилмоқда. Ўтган йили 2 миллиард сўмлик маҳсулот Самарқанд вилоятидаги 6 та тиббиёт бирлашмасига етказиб берилди. Бундан таш­қари, Навоий, Бухоро, Қаш­қадарё, Сурхондарё вилоятларидаги кўплаб тиббиёт муассасалари ҳам корхонанинг ­доимий мижозларидан ҳисобланади.

Ўтган йили корхона цехларига бешта замонавий дастгоҳ ўрнатилиши натижасида, нафақат маҳсулот ишлаб чиқариш ҳажми ошди, армрестлинг ва теннис столларини ўта аниқликда ўлчаш имкони яратилди. Шунингдек, спорт анжомларини никель ва хром билан қоплайдиган галваника цехи ҳам ишга туширилди.

Шу ўринда яна бир гап. Илгари оғир беморлар учун мўлжаллаб ишлаб чиқарилаётган махсус каравотларнинг бутловчи қисмлари чет давлатлардан валюта ҳисобига келтирилар эди. Хориждан янги ускуна сотиб олингач, бу муаммо ҳам ўз ечимини топди.

Жорий йилда ишлаб чиқариш ҳажми янада кенгаяди, хусусан, корхонада болалар майдончаларига жамланмалар ҳамда стадионлар учун икки турдаги ўриндиқ, «MAN» ва «Sino» заводлари учун бутловчи қисмлар ишлаб чиқариш режалаштирилган. Маҳаллийлаштириш дастурига мувофиқ, яна 8 лойиҳани рўёбга чиқариш назарда тутилган. Буларнинг барчаси, «Соғлом бола йили» Давлат дастурида қайд этилганидек, фарзандларимизни соғлом ва баркамол бўлиб вояга етказишдек эзгу мақсадларга қаратилгани билан аҳа­миятлидир.

Абдували ХУДОЁРОВ,

«Ўзбекистон овози» мухбири.



DB query error.
Please try later.