Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
29.03.2014

МЕН НЕГА ЎзХДПни ТАНЛАДИМ?

Мамлакатимизда фаолият кўрсатаётган сиёсий партияларнинг ҳар бири ўз тарафдорлари кўпайишига, жамиятдаги мавқеи мустаҳкамланишига ҳаракат қилаяпти. Бу жараёнда қайси партияга аъзо бўлсам экан, деган савол мамлакат тақдирига бефарқ бўлмаган ҳар бир ёшни ўйлантиради.

Бундан ярим йил олдин туманимизда битирувчиларни ишга жойлаштириш билан боғлиқ тадбир бўлиб ўтди. Унда ЎзХДП Наманган туман кенгаши фаоллари, депутатлар иштирок этиб, ёшлар бандлигини таъминлаш билан боғлиқ масалаларда фикр-мулоҳазалар билдиришди, таклифлар айтишди. Дарҳақиқат, ишга жойлашиш касб-ҳунар коллежини битираётган ёшлар олдида турган энг муҳим масалалардан бири. Шу боис партия­нинг бу борада ташаббус кўрсатгани, ҳаётий таклифларни илгари сураётгани ёшлар орасида ЎзХДПга бўлган қизиқишни кучайтирмоқда.

Мен партиянинг Ҳаракат дастури билан танишдим. «Истиқбол» ёшлар қаноти туман бўлими таклифи билан кўплаб тадбирларда иштирок этдим. Депутатлар билан мулоқотда бўлдим. Бу ҳақда курсдошларим билан ҳам фикрлашдим. Шундан сўнг яқинда ЎзХДПга аъзо бўлиш ҳақида қатъий қарорга келдим.

Қисқа фурсатда шунга иқрор бўлдимки, сиёсий партия ҳаётий масалаларни қанча кўп кўтарса, бу борада ташаббускор бўлса, жамиятдаги обрўси, мавқеи шунчалик юқори бўлади. Одамлар партиянинг амалий ишларига қараб баҳо беришади. Партиямизнинг тарафдорлари тобора кўпайиб бораётгани ҳам унинг амалий ишлари билан боғлиқ.

Мен ЎзХДП сафида эканимдан фахрланаман. Партия дастурий мақсадлари рўёбга чиқишига муносиб ҳисса қўшишга ҳаракат қиламан.

Умида ТИЛОВОЛДИЕВА, Наманган педагогика коллежи 3-босқич талабаси.

Таҳририятдан: Ўзбекистон Халқ демократик партияси фаолиятига қизиқиш тобора ортиб бораяпти, айниқса, ёшлар орасида. Буни таҳририятимизга бўлаётган мурожаатлар, келаётган хатлардан ҳам билиш мумкин. Кўпчилик нима сабабдан айнан ЎзХДП сафига киришга қарор қилгани тўғрисида ёзиб юбораяпти. Биз уларнинг фикрларини газетамиз саҳифаларида ёритиб боришга ҳаракат қилаяпмиз.

Хўш, сиз нима учун ЎзХДПни танладингиз?

Бу саволга жавобингиз ва фикрларингизни кутамиз. Ўзингиз ҳақингизда маълумот ва унга суратингизни илова қилишингизни унутманг.



DB query error.
Please try later.