Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
25.03.2014

ТАРҒИБОТ ТАЪСИРЧАН БЎЛСА ХАЙРИХОҲЛАР САФИ КЕНГАЯДИ

ЎзХДП Каттақўрғон шаҳар кенгашида тарғибот гуруҳлари фаолиятини такомиллаштириш масалаларига бағишланган минтақавий семинар ўтказилди.

Анжуманда Каттақўрғон, Иштихон, Пахта­чи, Нарпай ва Нуробод туман ҳамда Каттақўрғон шаҳар партия кенгашлари раислари, фаол­лар, маҳаллий Кенгашлар депутатлари ва тарғиботчилар иштирок этди.

Тадбир иштирокчилари томонидан таъкидландики, партиямиз фаолиятида тарғибот-ташвиқот ишларига алоҳида эътибор қаратиб келиняпти. Бунда тарғибот гуруҳларининг ўрни ва аҳамияти катта. Бугун тарғиботчилар таркибида сиёсатшунос, иқтисодчи, ҳуқуқшунослар, маҳаллий Кенгашлар депутатлари бор. Улар ижтимоий-иқтисодий ва сиёсий соҳадаги ислоҳотлар, уларнинг маъно-мазмуни, аҳамиятини ҳаётий мисоллар орқали тушунтиришга ҳаракат қилмоқда. Энг муҳими, ҳар бир масала қиёсий таҳлил этилмоқда. Чунки қиёслаганда ҳақиқат ойдинлашади, ютуқлар, натижалар яққолроқ кўринади. Бу — тарғибот самарасини оширади.

— Аввало, янада тарғиботчиларнинг аниқ мақсадга йўналтирилган иш режаси бўлиши лозим, — деди ЎзХДП Самарқанд вилоят кенгаши раиси ўринбосари Бўрибой Бўронов. — Жойларда партия ғояларини кенг тарғиб этиш, аъзоларнинг сиёсий-ҳуқуқий билимини ошириш, тарафдорларини кўпайтириш борасида амалга оширишимиз лозим бўлган ишлар оз эмас. Тарғиботчилар фаолиятини янада таъсирчан қилиш учун илғор тажрибалар, умум­эътироф этилган сиёсий технологиялар, ахборот-коммуникация воситаларидан кенг фойдаланиш зарур.

Шунингдек, семинарда тарғибот гуруҳ­ла­ри таркибига салоҳиятли, нотиқлик қоби­лиятига эга, дунёқараши кенг ёшлар ва мутахассисларни жалб этиш зарурлиги алоҳида қайд этилди. Билдирилган таклиф ва мулоҳазалар асосида тарғиботчилар фаолиятини кучайтириш бўйича аниқ тавсиялар ишлаб чиқилди.

Шаҳноза ПАРМАНОВА,

ЎзХДП Самарқанд вилоят кенгаши жамоатчилик ва ОАВ билан ишлаш сектори мудири.



DB query error.
Please try later.