Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
15.03.2014

ДЕМОКРАТИК ИСЛОҲОТЛАРНИ ЧУҚУРЛАШТИРИШ САРИ ЯНА БИР МУҲИМ ҚАДАМ

Олий Мажлис Қонунчилик палатасидаги ЎзХДП фракциясининг мажлисида мамлакатимиз раҳбари томонидан қонунчилик ташаббуси асосида киритилган «Ўзбекистон Республикаси Конституциясининг айрим моддаларига ўзгартиш ва қўшимчалар киритиш тўғрисида» (32, 78, 93, 98, 103 ва 117-моддаларига)ги қонун лойиҳаси кўриб чиқилди.

Маълумки, Президентимиз Конституциямиз қабул қилинганининг 21 йиллигига бағишланган тантанали маросимдаги маърузасида мамлакатимизда олиб борилаётган демократик ислоҳотларни чуқурлаштириш, Парламентнинг ўрни ва ваколатларини янада кенгайтириш, унинг Вазирлар Маҳкамаси устидан назорат функцияларини кучайтириш, жамоатчилик назоратининг савияси ва самарасини ошириш каби ҳозирда долзарб масалаларга алоҳида эътибор берилган эди.

ЎзХДП фракцияси аъзолари муҳокама чоғида давлатимиз раҳбарининг ташаббуслари миллий давлатчилигимиз ва сиёсий тизимни янада мустаҳкамлашда, мамлакатимизда фуқаролик жамиятини ривожлантиришда муҳим аҳамиятга эга эканлигини алоҳида қайд этдилар.

Мажлисда мазкур қонун лойиҳасининг киритилиши «Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси»га мувофиқ амалга оширилаётган демократик ўзгаришларнинг ҳу­қуқий ва мантиқий давоми эканлиги таъкидланди.

Фракция аъзолари қонун лойиҳасининг ижро этувчи ҳокимият устидан парламент ва жамоатчилик назоратини таъминлаш юзасидан яхлит тизим шакллантирилишини назарда тутувчи, маҳаллий ҳокимият вакиллик органларининг ҳуқуқларини анча кенгайтирувчи қоидаларига эътибор қаратдилар. Бош вазир лавозимига номзод Ўзбекистон Республикаси Олий Мажлисида унинг номзоди кўриб чиқилаётган ва тасдиқланаётганида Вазирлар Маҳкамасининг яқин муддатга ва узоқ истиқболга мўлжалланган ҳаракат дастурини тақдим этиши ҳақидаги норманинг конституциявий мустаҳкамлаб қўйилиши сиёсий партияларга ҳукуматнинг тутган йўли ёки дастурининг айрим қоидаларига нисбатан ўз нуқтаи назарини аниқ белгилаб олиш имконини беради.

Ушбу нормалар демократик жамиятнинг муҳим таркибий қисми бўлган кўппартиявийлик тизимини ва партиялараро рақобатни, фракциялараро курашни янада мустаҳкамлаш борасида ғоят муҳим аҳамиятга эга.

Юқоридагилардан келиб чиқиб, фракция аъзолари қонун лойиҳасини тўлиқ қувватлаган ҳолда, уни Қонунчилик палатасининг навбатдаги ялпи йиғи­­­лиши муҳокамасига биринчи ўқиш­­га киритиш лозимлиги ҳақида тегишли қарор қабул қилдилар.

Тўлқин ТЎРАХОНОВ,

«Ўзбекистон овози» мухбири.



DB query error.
Please try later.