Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
13.03.2014

АЁЛЛАР БАНДЛИГИ — ОБОД ТУРМУШ ГАРОВИ

ЎзХДП «Фаол аёллар» қаноти Пайариқ туман бўлими ташаб­буси билан шу мавзуда амалий семинар ташкил этилди.

Тадбир хотин-қизларнинг касбий маълумот даражасини ўрганиш ва улар орасидан касаначилик билан шуғулланишга эҳтиёжи, хоҳиши бор хотин-қизларнинг мутахассислигини таҳлил қилиш, уй меҳнатини ташкил этмоқчи бўлган хотин-қизлар фаолиятини расмийлаштириш ҳамда бу борадаги тушунтириш ишларини кучайтириш мақсадида ташкил этилди.

— Оила ва жамият фаровон­лиги кўп жиҳатдан аёлнинг ижтимоий фаоллигига боғлиқ, — деди «Фаол аёллар» қаноти туман бўлими етакчиси Ширин Жонузоқова. — Аёл меҳнат билан банд бўлса, аввало, оиласининг ижтимоий-иқтисодий таъминотига муносиб ҳисса қўшади, жамиятга ҳам фойдаси тегади. Шу боис хотин-қизларни касбга йўналтириш, ишга жойлаштириш, фаол меҳнат қилишига шароит яратиб беришга катта эътибор қаратилмоқда. Ўз нав­батида, биз ҳам ана шу жараёнда муносиб иштирок этишимиз лозим. Бунда бугунги каби тадбирларнинг аҳамияти катта, деб ўйлайман. Чунки, хотин-қизларни фаол меҳнат муҳитига жалб этиш, уларнинг бу борадаги муаммо­ларини ўрганиш, таҳлил этиш ва ечишни ташкил этишда турли соҳа мутахассисларининг фикрлари муҳимдир.

Семинарда аёллар бандлигини таъминлаш бўйича тумандаги мавжуд имкониятлар таҳлил этилди. Айниқса, маиший хизмат кўрсатиш ва сервисни, касаначиликни, оилавий тадбиркорликни ривожлантириш, хонадон шароитида чорвачи­лик, паррандачиликни йўлга қўйиш бўйича катта имкониятлар мавжудлиги таъкидланди. Партия фаоллари тегишли ташкилотларнинг му­тахассислари билан бирга бу соҳаларда янги иш ўринлари ташкил этиш бўйича яратилган им­тиёзларни хотин-қизлар орасида чуқур тушунтириб боришлари қў­шимча равишда янги иш ўринлари вужудга келишига замин яратиши қайд этилди.

Семинарда иштирокчи аёлларнинг мавзу юзасидан фикр-мулоҳазалари тингланди, уларни ўйлантираётган муаммолар муҳокама этилди ва шу асосида муҳим чора-тадбирлар белгилаб олинди.

Ҳафиза АЗИМОВА



DB query error.
Please try later.