01.03.2014

НУҚТАИ НАЗАР

— Партиямиз дастурий мақсадларининг муҳим йўналишларидан бири — бу аҳоли бандлиги, айниқса, касб-ҳунар коллежлари битирувчиларини иш билан таъминлаш масаласидир. Ўтган йили мазкур масалани бир неча бор партия гуруҳимиз ва доимий комиссиялар йиғилишларида муҳокама этдик.

Авваламбор, партия гуруҳимиз ҳамкор ташкилотлар билан бирга маҳаллаларда бўлиб, масалани чуқур ўрганди. Натижа шуни кўрсатдики, кўпгина оилалар паррандачилик ва ҳунармандчилик билан шуғулланар экан. Лекин тадбиркор сифатида давлат рўйхатидан ўтмаган. Амалда меҳнат билан бандлиги, етарли даромад топаётганига қарамасдан, оила аъзоларининг бирортасига ҳам меҳнат дафтарчаси юритилмаган. Демак, улар давлатимиз томонидан яратилган имкониятлардан фойдалана олмаяпти.

Биз вазиятни мутахассислар билан биргаликда чуқур ўргангач, тушунтириш ишларини олиб бордик. Уй меҳнатининг қонуний шакллари билан шуғулланишнинг афзал жиҳатлари, давлат томонидан уларга берилган имтиёз ва енгилликлар, хусусан, «Оилавий тадбиркорлик тўғрисида»ги қонуннинг мазмун-моҳиятини очиб беришга ҳаракат қилдик.

Ҳозир расмий равишда оилавий тадбиркорлик билан шуғулланаётганлар кўпая бошлади. Энг муҳими, бундай оила аъзоларига меҳнат дафтарчаси очилди.

Таҳлилларга қараганда, мамлакатимизда кўпгина оилалар ўз хонадонида ишлаб чиқариш, хизмат кўрсатишнинг қандайдир турлари билан шуғулланади. Демак, улар амалда ижтимоий фойдали меҳнат билан банд. Фикримча, биз қўллаган тажрибани бошқа ҳудудларга ҳам кенг жорий этиш керак. Партиямиз бошланғич ташкилотлари ва туман кенгашлари ҳар бир ҳудудда бу масалага жиддий эътибор қаратса, бундан, аввало, айнан бизнинг электорат манфаат кўради. Яъни, уларнинг меҳнати расмийлашади, қонунларимиз билан берилган имтиёзлардан фойдаланиш имкониятлари кенгаяди, ижтимоий ҳимояси таъминланади. Энг муҳими, оилавий тадбиркорлик ривожланиб, одамларнинг турмуш фаровонлиги янада ортади.

Қаюмжон АДАНОВ,

ЎзХДП Гулистон шаҳар кенгаши раиси, халқ депутатлари шаҳар Кенгашидаги партия гуруҳи раҳбари:



DB query error.
Please try later.