27.02.2014

ҲАР БИР ЎҚУВ ТАЪСИРЧАН БЎЛИШИ

мавзунинг танланиши ва замонавий усуллардан қай даражада фойдаланишимизга боғлиқ

ЎзХДП Марказий Кенгаши ҳамда Тошкент вилоят кенгаши томонидан Зангиота туманида ўтказилган семинарда шу масалага алоҳида эътибор қаратилди.

— Жойларда ташкил этилаётган сиёсий ўқувларнинг самарадорлигини ошириш мақсадида уларда депутатлар, сиёсатшунослар, мутахассисларнинг фаол иштироки таъминланиб, интерфаол услублардан кенг фойдаланилмоқда, — деди ЎзХДП Зангиота туман кенгаши раиси Моҳира Акрамова. — Бу эса партия дастурий мақсадларини аҳоли орасида тарғиб қилишда таъсирчанликни оширмоқда. Жорий йилнинг биргина январь ойида «Демократик ислоҳотларни амалга ошириш — ёруғ келажагимизнинг мустаҳкам пойдевори» мавзусида мавжуд 70 та бошланғич партия ташкилотининг аксариятида сиёсий ўқув ўтказилди. Уларда 500 нафардан ортиқ электорат вакили иштирок этди. Шунингдек, электорат орасида партия дастурий мақсад ва вазифалари тар­ғиботини олиб боришда сиё­сий технологиялардан самарали фойдаланиш мавзусида ҳам сиёсий ўқувлар муваффақиятли ўтказилмоқда. Туман кенгашимизда 2013 йилда 20 та сиёсий машғулот ташкил этилиб, унда 1000 дан ортиқ тингловчи қатнашди.

Тадбирда таъкидландики, энг муҳими, қанча ўқув ўтказилганида эмас, уларнинг таъсири, иштирокчиларга қай даражада фойда келтираётганидадир. Кейинги пайтда партиямизда бу борада катта тажриба тўпланди. Буни семинар иштирокчиларининг савол-жавоб, фикр алмашувдаги фаоллигидан ҳам англаш мумкин.

— Ахборот-маърифат хоналарида ўқув адабиётлар, услубий қўлланмалар ва матбуот нашрлари, барча сиёсий партиялар газеталари бўлиши лозим, — деди Зангиота туман партия кенгаши Тарғиботчилар гуруҳи аъзоси Наргиза Халилова. — Яна шуни алоҳида таъкидлаш жоизки, депутатлар тўғрисида, уларнинг амалий ишлари ҳақида маълумотлар тез-тез янгиланиб турилиши талаб қилинади. Ҳар бир тарғибот гуруҳи таркибига салоҳиятли, нотиқлик қобилиятига эга, дунёқараши кенг ёшлар ва мутахассисларни жалб этиш зарур. Улар сиёсий технологиялардан унумли фойдаланса, албатта, тадбир жонли ва қизиқарли ўтади.

Тадбирда Ўзбекистон ХДП Марказий Кенгаши, Тошкент вилоят, туман ва шаҳар партия кенгашлари масъул ходимлари, экспертлар, «Фаол аёллар» ва «Истиқбол» ёшлар қанотлари етакчилари, халқ депутатлари туман Кенгашидаги депутатлар иштирок этиб, фикр-мулоҳазаларини билдиришди.

ЎзХДП Тошкент вилоят кенгаши раиси ўринбосари Меҳрож Дархонов сиёсий ўқувларни ўтказишда, албатта, БПТ имкониятларидан тўлиқ фойдаланиш масаласига эътибор қаратди. Маҳаллаларда ташкил этиладиган ўқувларга маҳаллий Кенгаш депутатлари, мутахассислар, олимлар кенгроқ жалб этилса, ҳаётимиздаги долзарб масалалар муҳокама қилинса, тадбир таъсир кучи ошади, деб  таъкидлади.  

Шунингдек, сўзга чиққанлар умумэътироф этил­ган сиёсий техно­логия­ларнинг партия фаолиятидаги ўрни ва аҳамияти, электорат билан иш олиб боришнинг самарадорлигини ошириш хусусида фикр билдиришди.

Басандабону

ЖАЛИЛОВА,

«Ўзбекистон овози» мухбири.



DB query error.
Please try later.