25.02.2014

КУЧЛИ ПАРТИЯ

кучли кадрлар ҳисобига шаклланади

Бугун мамлакатни модернизация қилиш ва кучли ­фуқаролик жамиятини барпо этиш жараёнида сиёсий партияларнинг етакчи кучга айланиб бораётгани кадрлар зиммасига катта масъулият юклайди. Кадрлар ҳар жиҳатдан билимли ва салоҳиятли бўлса, партия фаолияти кучаяди, жамиятдаги таъсир кучи ошади.

Жиззах вилоятида ЎзХДП­нинг 425 та бошланғич ташкилоти фао­лият юритмоқда. Уларда партия­нинг 15274 нафар аъзоси бирлашган. Шундан 4 мингдан орти­ғини 18 ёшдан 30 ёшгача бўлганлар ташкил этади. Вилоят партия кенгаши туман, шаҳар кенгашлари вакиллари билан биргаликда кадрлар захирасини тайёрлаш бўйича чора-тадбирлар ишлаб чиққан. Бунда асосий эътибор бошланғич ташкилотлар фао­лиятини кучайтириш, тарғибот-ташвиқот тадбирлари самара­сини ошириш, хайрихоҳ ёшлар сафини кенгайтириш масалаларига қа­ратилаяпти.

— Малакали, салоҳиятли кадр­лар мақсад ва интилишларимизга эришишнинг муҳим омилидир, — дейди вилоят партия кенгаши раи­си Мўътабар Каримова. — Партия ташкилотларида фао­лият кўрсатаётган кадрлар ташаббускор, ижтимоий-сиё­сий жиҳатдан фаол, билимли бўлса, партиямизнинг Сайловолди дас­турида белгиланган вазифаларни амал­га ошириш кафолати мус­таҳкам бўлади. Бошланғич партия ташкилотлари етакчилари, улар атрофида бирлашган энг фаол аъзолар, партиянинг жамоатчилик ишларида ҳамкорлик қилаётган хайрихоҳлар кейинчалик партия фаолиятига жалб этилиши муҳим аҳамиятга эга. Кадрлар билан ишлашни такомиллаштириш мақсадида туман ва шаҳарларда кадрлар тайёрлаш, улар тажрибасини ошириш масаласига бағишланган давра суҳбатлари ташкил этаяпмиз. Кадрлар билан ишлаш, уларнинг сиё­сий билими ва фаоллигини ошириб бориш фаолиятимизнинг устувор йўналишларидан ҳисобланади.

— Сафимиздаги ёшларнинг билим ва салоҳиятини оширишда ахборот-ресурс марказлари имкониятларидан кенг фойдаланиш яхши самара беради, — дейди ЎзХДП «Истиқбол» ёшлар қаноти Жиззах вилоят бўлими етакчиси Азамат Ҳасанов. —Келгусида депутатликка номзодлар, партия ташкилотларида етакчилик қиладиган кадрлар бугунги ёшлар орасида шаклланар экан, демак, уларнинг сиёсий билимини ошириш масаласи долзарб вазифа бўлиб қолаверади.

Ҳар бир партиянинг кучи, салоҳияти кадрлар билими, малакаси ва фидойилигига боғлиқ. Демак, кадрларни тайёрлаш, тарбиялаш ишлари партия ташкилотларининг доимий диққат марказида бўлиши керак.

Ҳаёт ХИДИРОВ



DB query error.
Please try later.