Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
18.02.2014

ОДАМЛАРНИНГ СИЁСИЙ БИЛИМИ ВА ФАОЛЛИГИ

кучли фуқаролик жамиятини ривожлантиришда муҳим омил

Назира МАТЁҚУБОВА, Олий Мажлис Қонунчилик палатаси депутати, ЎзХДП фракцияси аъзоси.

Ҳар бир киши ижтимоий-иқтисодий ислоҳотларда фаол иштирок этиши учун, аввало, фуқаролик бурчи ва масъулиятини чуқур ҳис қилиши керак. Бу эса сиёсий-ҳуқуқий маданият юқори бўлишини талаб этади. Шу боис электорат вакилларининг сиёсий билим ва дунёқарашини юксалтириш, қабул қилинаётган қонун ва қарорлардан хабардорлигини ошириш масаласига сиёсий партиялар, депутатлар катта эътибор қаратиб келмоқда.

Яқинда Олий Мажлис Қонунчилик палатасидаги ЎзХДП фракцияси аъзоларининг ўтган йил давомида ўз сайлов округларида олиб борган ишлари таҳлил этилди. Маълум бўлишича, фракция аъзолари ўтказган учрашувларда сайловчилар томонидан 2900 та савол берилган. Шундан 280 га яқини қонунчиликка оид ва 350 дан ортиғи бандлик Дас­тури ижроси билан боғлиқ бўлган. Бу фуқароларнинг парламент томонидан қа­бул қилинаётган қонунлар ва ижтимоий аҳамиятга эга бўл­ган давлат дастурлари ҳамда уларнинг ижросига нисбатан қизиқиши тобора кучайиб бораётганини кўр­сатади.

Таъкидлаш жоизки, сиё­сий иштирок, сиёсий модернизация ва сиёсий ривожланиш, сиёсий маданият каби тушунчалар сиёсий партиялар фао­лиятида асосий тушунчалар сифатида қўл­ланади. Шу нуқтаи назардан олиб қа­расак, ҳар бир фуқаро сиёсат субъ­екти сифатида сиёсий-­ахборот қабул қи­лиш ва уни узатишдан бошлаб, қонунлар яратиш ва уларга амал қилишда, сайлов ва бошқа сиёсий жараёнларда, сиёсий пар­­тиялар ва ҳаракатлар фаолия­тида иштирок этиш ҳуқуқ­ларига эга.

Мутахассислар фикрига кўра, фуқаронинг жамият сиёсий ҳаётидаги иштироки унинг фуқаролик бурчи бўлиши билан бирга, ўзини бирор сиёсий ҳаракатга мансублигини чуқур англашида ҳам муҳим роль ўйнайди. Сиёсий-руҳий бегоналашув эса кўпинча сиё­сий лоқайдликка олиб келади. Шундай экан, фуқароларнинг сиёсий фаоллигини оширишда партия ташкилотлари ва партия гуруҳлари фаолияти ўта муҳим аҳамиятга эга. Чунки, сиё­сий партия жамиятнинг муайян ижтимоий қатлами манфаатларини ифодаловчи сиёсий ташкилотдир.

Фуқароларнинг сиёсий партиялар орқали ўз сиё­сий қарашларини ифода қилиши, депутатлар ор­қали ижтимоий муҳим масалаларни ҳал этишда иштирок этиши ҳаёт тақозосига айланмоқда. Бу бевосита кишиларнинг сиёсий ҳуқуқ ва манфаатларини таъминлаш билан боғлиқ бўлган ўта жиддий масаладир.

Шунинг учун Олий Мажлис Қонунчилик палатасидаги ЎзХДП фракцияси ўз фаолиятида мамлакатимизда олиб борилаётган ислоҳотлар ва қабул қилинаётган қонунларнинг мазмун-моҳиятини аҳолининг кенг қатлами орасида тушунтиришга алоҳида эътибор қаратмоқда. Бу, бир томондан, мамлакатимизда кеча­ётган ислоҳотларнинг бо­­­ри­ши, жумладан, қонун ижод­­­корлиги ҳақида улар­­га ахборот бериш, иккинчи томондан, шу жараёнларга нисбатан фуқароларнинг муносабати, таклиф ва мулоҳазаларини ўрганиш имконини беради.

Фракциямиз қонун ижодкорлиги жараёнида фуқароларнинг фикр ва таклифлари инобатга олиниши қабул қилинаётган ҳужжатларда аҳолининг турли қатламлари манфаатлари ҳар томонлама ифода этилишига хизмат қилади, деб ҳи­соблайди. Шундан келиб чиқиб, фракциямиз томонидан партия электорати ман­фаатлари билан бевосита боғлиқ бўлган қонунлар лойиҳаларини ЎзХДП Марказий Кенгаши ҳамда фаоллар иштирокида кенг муҳокама қилиш йўл­га қўйилди.

Муҳокама этилаётган қонун лойиҳалари партия­нинг вилоят ва туман кенгашларига юборилиб, маҳаллий Кенгашлардаги депутатлар ва электорат вакиллари фикри ҳам ўрганилмоқда. Бугунга келиб ушбу амалиёт ўзининг ижобий натижасини кўрсатаяпти. Қонунлар лойиҳалари муҳокамасига бундай ёндашув пар­тия электорати манфаатларини тўлиқроқ ифода этишга имконият бермоқда. Энг муҳими, шу орқали қонунлар такомиллаштирилишида фуқаролар иштирокига кенг йўл очилмоқда.

Депутатлар партиямизнинг маҳаллий ташкилотлари билан ҳамкорликда турли тадбирлар, учрашув ва давра суҳбатлари ташкил этаяпти. Бундай учрашувларда кўп­лаб ижтимоий масалалар ўртага ташланади. ЎзХДПдан сайланган депутатлар ва партия ташкилотлари ҳамкорлигида уларни ҳал этиш юзасидан аниқ чоралар кўрилаяпти. Бу жараёнга фуқароларнинг кенг жалб этилиши муаммолар ечимига доир ҳаётий таклиф ва ташаббуслар кўпайишига хизмат қилмоқда. Қолаверса, одамларда ўзи яшаб турган маҳалла, туман, вилоят, умуман, мамлакатимиз ва дунёда юз бераётган ўзгаришлар, воқеа-ҳодисаларга нисбатан дахлдорлик туйғуси кучаймоқда.

Шундай экан, фуқароларнинг сиёсий фаоллигини оширишда иштирок этиш фракция аъзолари ишининг муҳим йўналишларидан ҳисобланади. Бу борадаги ишларни янада кучайтиришни эса бугунги демократик жараёнларнинг ўзи талаб этмоқда.



DB query error.
Please try later.